रेवदंडा, ता.२९ (बातमीदार)ः श्रावण महिन्यातील नागपंचमी हा पहिला सण आहे. श्रावणातील पंचमीला नागाची पुजा पूर्वापार चालत आलेली आहे. म्हणून शेतीची कामे आज शेतकरी पूर्णपणे बंद ठेवतो.
आपला देश कृषीप्रधान आहे. नाग हा शेतकऱ्याचा मित्र आहे, तो शेतीचे रक्षण करतो आपण त्याला क्षेत्रपाळ असेही म्हणतो. कारण शेतात उगवणारे धान्य नष्ट फस्त करणारे किटक व उंदीर नाग फस्त करतो. उंदीर हा शेतकऱ्यांचा शत्रू आहे आणि साप हा उंदराचा शत्रू आहे म्हणून शत्रूचा शत्रू हा शेतकऱ्याचा मित्र आहे. नागपंचमीचा सण आज घरोघरी अनेक कुटुंबांनी धार्मिक, अध्यात्मिक आणि सांस्कृतिक दृष्टीकोनातून साजरा केला जातो. काही ठिकाणी पाटावर नागवेल किंवा पाटावर चित्र काढले, नागाची मातीची मूर्ती, भिंतीवर नागाचे चित्र लावून, नागाच्या बांधावर किंवा नागदेवतेच्या मंदिरात जाऊन भक्तीभावाने पुजाअर्चा केली जाते. प्रसादासाठी मोदकांचा प्रसाद केलेला दिसत होता.