मुंबई: शिवसेनेचे आमदार प्रताप सरनाईक यांच्यावर झालेल्या आरोपांमुळे गाजलेल्या टॉप्स सिक्युरिटी प्रकरणात आता ईडी म्हणजेच सक्तवसुली संचलनालयानं MMRDAच्या आयुक्तांना समन्स बजावले आहे. ईडीकडून MMRDAचे आयुक्त आर.ए. राजीव यांना समन्स बजावलेत. त्यामुळे आता समन्स बजावल्यामुळे आर.ए. राजीव यांना ईडीसमोर हजर राहावं लागणार आहे. या चौकशीत ते काय सांगतात आणि त्याचे काय परिणाम होणार, याकडे आता सर्वांचं लक्ष लागलं आहे. 

या प्रकरणात ईडीनं आतापर्यंत दोघांना अटक केली आहे. यामध्ये प्रताप सरनाईक यांचे व्यावसायिक भागीदार अमित चांदोळे यांचा समावेश होता. २०२० डिसेंबरला ईडीनं शिवसेना आमदार प्रताप सरनाईक यांना समन्स बजावले होते. त्यानंतर त्यांची चौकशीही करण्यात आली होती. त्यांच्यासोबत त्यांचा मुलगा पूर्वेश सरनाईकचीही चौकशी केली होती. 

मुंबई विभागातल्या ताज्या बातम्या वाचण्यासाठी येथे क्लिक करा.

नेमका घोटाळा काय आहे? 

१७५ कोटींच्या कंत्राटासाठी टॉप्स ग्रुपकडून एमएमआरडीएनं ७ कोटींची लाच दिली होती. टॉप्स सिक्युरिटीटे माजी कर्मचारी रमेश अय्यर यांनी २८ ऑक्टोबरला तक्रार दाखल केली होती. दाखल करण्यात आलेल्या तक्रारीनंतर मुंबई पोलिसांनी एफआयआर दाखल केला होता. 

हेही वाचा- शेतीसाठी भिवंडीतल्या शेतकऱ्याने खरेदी केले चक्क 30 कोटींचं हेलिकॉप्टर
 

टॉप्स सिक्युरिटीचे राहुल नंदा यांच्याकडून १०० पैकी केवळ ७० टक्के गार्ड्स वापरले जायचे. ३० टक्के गार्ड्सचा वापर करण्यात येत नव्हता. जवळपास १५० च्या आसपास गार्ड्सचा वापर केला जात नव्हता. मात्र तरीही त्या गार्ड्सची रक्कम सगळी टॉप्सच्या ग्रुपला मिळत होती. त्यातली काही रक्कम लाच म्हणून अमित चांदोळे आणि संकेत मोरे यांना मिळत असल्याची माहिती तपासातून उघड झाली होती.

Tops security case MMRDA Commissioner R A Rajeev ed issues summons