मुंबई : आज राज्यात ओमिक्रॉन संसर्गाचे (Omicron infection) 26 रुग्णांची नोंद झाली. मुंबई 11,पनवेल मनपा 5,ठाणे मनपा4 ,नांदेड 2 तर नागपूर, पालघर, भिवंडी निजापूमर मनपा आणि पुणे ग्रामीण प्रत्येकी 1 रुग्ण सापडला. यामुळे राज्यात (Maharashtra omicron update) आतापर्यंत नोंद झालेल्या ओमिक्रॉन रुग्णांची संख्या 167 झाली आहे. यापैकी 72 रुग्णांना त्यांची आरटी-पीसी आर चाचणी (RTPCR Test) निगेटिव्ह आल्यानंतर रुग्णालयातून घरी सोडण्यात आले आहे. (Twenty six omicron patients found in Maharashtra and eleven in Mumbai)

आज आढळलेल्या 26 ओमिक्रॉन रुग्णांपैकी 18 वर्षांखालील 4; 60 वर्षावरील 2 रुग्णांचा समावेश आहे. नवीन रुग्णांमध्ये 14 पुरुष, 12 स्त्रियाचा समावेश आहे. यातील 24 जणांचा आंतरराष्ट्रीय प्रवासाचा इतिहास तर 2 जण निकटसहवासित आहेत.

या रुग्णांपैकी 18 वर्षाखालील 4 जण आणि इतर 3 जण वगळता 19 जणांचे पूर्ण लसीकरण झालेले आहे.तर 21 जणांना कोणतीही लक्षणे नाहीत तर 5 जणांना सौम्य लक्षणे आहेत.आतापर्यंत 743 प्रयोगशाळा नमुने जनुकीय तपासणीसाठी पाठविण्यात आले आहेत. यापैकी 98 नमुन्यांचा अहवाल अद्याप प्रलंबित आहे.