- सुशांत सावंत

मुंबई: "ठाकरे कुटुंबावर कोणी हल्ला केला, तर त्याला तिथल्या तिथे ठेचून टाकू अशी भाषा मुख्यमंत्री उद्धव ठाकरे (uddhav thackeray) यांनी केली. महाराष्ट्रात आमच्या भगवाधारी साधूंना ठेचून मारलं, त्याला आता दीड वर्ष होत आलं पण त्यांच्या मारेकऱ्याला आजपर्यंत शिक्षा होऊ शकली नाही, साधं त्यांच्याविरोधात आरोपपत्र सुद्धा व्यवस्थित दाखल होऊ शकलं नाही" अशी टीका आचार्य तुषार भोसले (acharya tushar bhosale) यांनी केली आहे. ते भाजपा आध्यात्मिक आघाडीचे प्रमुख आहेत.

"दुसरीकडे महाराष्ट्रात येऊन हिंदू समाजाला सडका म्हणणारा शर्जील उस्मानी आज मोकाट फिरतोय, त्याला कोणताही दंड केला जात नाही आणि वरून हिंदुत्वाचा आव आणता, तुमच्या ढोंगी हिंदुत्वाचा बुरखा कालच्या दसरा मेळाव्यात फाटला आहे" अशी टीका आर्चाय तुषार भोसले यांनी केली.

"एखाद्या राज्याचा मुख्यमंत्री हा त्या राज्याचा कुटुंबप्रमुख असतो पण मुख्यमंत्री उद्धव ठाकरेंचं कुटुंब हे केवळ ठाकरे कुटुंब आहे, महाराष्ट्र हा  त्यांच्या कुटुंबाचा भाग नाही हे काल त्यांनी सिद्ध केलं. महाराष्ट्राचं हे दुर्देव आहे की इतका स्वार्थी आणि संकुचित मनोवृत्तीचा 'मुख्यमंत्री' उद्धव ठाकरेंच्या रूपाने महाराष्ट्राला मिळाला आहे" अशी टीका तुषार भोसले यांनी केली.