Murder: विरार पूर्व येथील साईनाथ नगर या परिसरातील जावयाने सासूची हत्या केल्याची घटना घडली आहे. साईनाथ नगर येथील जानू वाडी या विभागात राहणाऱ्या लक्ष्मी हेरी (६५) यांची हत्या करण्यात आली आहे.

जावई हा नशेत धुंद होऊन घरी आला असताना त्याच्या सासू सोबत त्याचा वाद झाला आणि या वादातूनच ही हत्या केल्याची प्राथमिक माहिती समोर आली आहे.

आरोपी विशाल खेरी याला विरार पोलिसांनी अटक केली आहे. आरोपी विशाल याने त्याच्या सासूला बांधून तिचे तोंड बंद करून तिच्यावर चाकूने हल्ला केला यातच तिचा मृत्यू झाला. लक्ष्मी हेरी यांची दोन लहान नातवंडं घरी होती तर त्यांनी ही संपूर्ण घटना स्वतः पाहिली.

आरोपी विशाल पळून जाण्याचा प्रयत्न करत असताना लहान मुलांनी आरडा ओरडा केल्याने आजूबाजूच्या नागरिकांनी घरी धाव घेतली आणि आरोपीला थांबवत पोलिसांनी याबाबत माहिती दिली. या घटने मध्ये आरोपीवर ३०२ अंतर्गत गुन्हा दाखल करण्यात आला आहे.