मुंबई : शहरात शनिवारी पुन्हा एकदा शून्य मृत्यूची (Zero corona deaths) नोंद झाली. फेब्रुवारीतील (February) ही सातवी शून्य मृत्यूची नोंद आहे. याआधी डिसेंबरमध्येही सातवेळा शून्य मृत्यूची नोंद झाली होती. याआधी १५, १६, १७, २०, २३ आणि २५ फेब्रुवारीला शून्य मृत्यूची नोंद झाली आहे. तिसऱ्या लाटेत (corona third wave) २ जानेवारीनंतर १५ फेब्रुवारी रोजी मुंबईत शून्य मृत्यूची नोंद झाली.

१७ ऑक्टोबर २०२१ रोजी पहिल्यांदा ‘शून्य’ मृत्यूची नोंद पालिका क्षेत्रात झाली होती. आजवर १५ वेळा शून्य मृत्यूची नोंद झाली. शनिवारी ८९ नव्या रुग्णांची नोंद झाली. आजवर बाधित रुग्णांची एकूण संख्या १०,५६,२९६ वर पोहोचली आहे.

शनिवारी २०० रुग्ण कोरोनामुक्त झाले.झाले. आजवर बरे झालेल्यांची संख्या १०,३५,८२६ इतकी झाली आहे. उपचाराधीन रुग्णांची संख्या ९०२ पर्यंत खाली आली आहे. रुग्णदुपटीचा कालावधी ४,४५० पर्यंत वाढला आहे. कोरोनावाढीचा दर ०.०२ पर्यंत खाली आला आहे.