नांदेड - जिल्ह्यात शनिवारी (ता. १६) प्राप्त झालेल्या १३४ अहवालापैकी आरटीपीसीआर तपासणीद्वारे १२ तर अँटिजेन तपासणीद्वारे एक अहवाल बाधित आला आहे. आरटीपीसीआर तपासणीद्वारे नांदेड महापालिका हद्दीत सात, नांदेड ग्रामीण दोन, धर्माबादला एक, कंधारला एक, मुदखेडला एक तर अँटीजेन तपासणी द्वारे कंधार तालुक्यातंर्गत एक असे एकुण १३ अहवाल कोरोनाबाधित आढळले आहेत. उपचारानंतर बाधित रुग्ण बरे होण्याचे प्रमाण ९७.३४ टक्के आहे.

जिल्ह्यात आजवर एकुण बाधितांची संख्या एक लाख तीन हजार चार एवढी झाली असून यातील एक लाख २६८ रुग्णांना उपचारानंतर बरे झाल्याने रुग्णालयातून सुटी देण्यात आली आहे. आजच्या घडीला ४४ रुग्ण उपचार घेत आहेत. जिल्ह्यात आतापर्यंत बाधित मृत रुग्णांची संख्या दोन हजार ६९२ एवढी आहे. दरम्यान, नांदेड महापालिकातंर्गत गृह विलगीकरणातील दोन रुग्णांना उपचारानंतर बरे झाल्याने सुटी देण्यात आली. नांदेड जिल्ह्यातील तालुक्यातंर्गत गृह विलगीकरणात १८, नांदेड महापालिकातंर्गत गृहविलगीकरणात २४, अश्विनी हॉस्पिटलमध्ये दोन असे एकुण ४४ व्यक्ती उपचार घेत आहेत. जिल्ह्यातील कोरोनाचा प्रादुर्भाव कमी करण्यासाठी मास्क, सॅनिटायझर, सुरक्षित अंतर आणि लसीकरण याबाबत व्यापक जनजागृती करुन अनावश्यक घराबाहेर पडणे टाळावे, असे आवाहन जिल्हाधिकारी डॉ. विपीन इटनकर यांनी केले आहे.

नांदेड कोरोना मीटर

• एकूण स्वॅब ः नऊ लाख १० हजार ७६१

• एकुण निगेटिव्ह ः सात लाख ९० हजार ४१०

• एकुण बाधित ः एक लाख तीन हजार चार

• एकूण बरे - एक लाख २६८

• एकुण मृत्यू ः दोन हजार ६९२

• स्वॅब नाकारले ः दोन

• उपचार सुरू ः ४४