नांदेड : स्वामी रामानंद तीर्थ मराठवाडा विद्यापीठातील स्वागत कक्षामध्ये बुधावारी (ता. १४ एप्रिल) रोजी भारतरत्न डॉ. बाबासाहेब आंबेडकर यांची जयंती साजरी करण्यात आली.

यावेळी विद्यापीठाचे कुलगुरु डॉ. उद्धव भोसले यांनी भारतरत्न डॉ. बाबासाहेब आंबेडकर यांच्या प्रतिमेस पुष्पहार अर्पण करुन अभिवादन केले. तसेच विद्यापीठातील डॉ. बाबासाहेब अध्यासन व अभ्यास केंद्रामधिल भारतरत्न डॉ. बाबासाहेब आंबेडकर यांच्या प्रतिमेस पुष्पहार अर्पण करुन अदरांजली वाहिली.

हेही वाचा - गावठी पिस्तुल व चार काडतुससह आरोपीस अटक- नांदेड स्थानिक गुन्हे शाखेची कारवाई

यावेळी विद्यापीठाचे प्र- कुलगुरू डॉ. जोगेन्द्रसिंह बिसेन, कुलसचिव डॉ. सर्जेराव शिंदे, वित्त व लेखाधिकारी डॉ. डी. एम. खंदारे, क्रीडा विभागाचे संचालक डॉ. विठ्ठलसिंह परिहार, माजी कुलसचिव डॉ. रमजान मुलांनी, जनसंपर्क अधिकारी डॉ. अशोक कदम, डॉ. सुरेंद्रनाथ रेड्डी, सिनेट सदस्य उद्धव हंबर्डे, शिवराम लुटे, शहाजी हंबर्डे, संभाजी धनमने, नारायण गोरे, रामदास खोकले, शिवाजी हंबर्डे, संदीप एडके, शैलेश कांबळे, तुकाराम हंबर्डे, जेनार्धन गोवंदे यांच्यासह विद्यापीठातील अधिकारी व कर्मचारी यांनी कोव्हीड-१९ च्या संसर्गजन्य आजारारामुळे सामाजिक अंतराचे पालन करुन प्रतिमेस पुष्प अर्पण करुन अभिवादन केले.