नांदेड : डॉ. शंकरराव चव्हाण शासकीय वैद्यकीय महाविद्यालयातील वैद्यकीय अध्यापकांनी त्यांच्या प्रलंबित मागण्यांसाठी गुरूवारपासून (ता. तीन) आगळेवेगळे आंदोलन करत आहेत. गुरूवारी काळी फिती लावून काम केले तर आज शुक्रवारी (ता. चार) त्यांनी वैद्यकीय महाविद्यालयाच्या परिसरात कॅन्डल मार्च काढत घोषणा दिल्या.

वैद्यकीय महाविद्यालयाच्या नवीन प्रशासकीय इमारती पासून हा मोर्चा सुरू झाला व अधिष्ठाता कार्यालय पर्यंत गेला त्यानंतर त्यांनी अधिष्ठाता यांची भेट घेऊन त्यांच्या मागण्या परत एकदा अधिष्ठाता यांना कळवल्या व त्या मागण्या मान्य करण्या करता लवकरात लवकर प्रयत्न करावेत असे साकडे घातले सदरील कॅन्डल मार्च दरम्यान वैद्यकीय अध्यापकांनी घोषणा देऊन पूर्ण परिसर दणाणून सोडला या वेळेस या मोर्चाचे नेतृत्व डॉ. राहुल परसोडे ,डॉ. विशाल टेकाळे ,डॉ.सिद्दिकी ,,डॉ. महेश शिंदे ,डॉ.मसरत डॉ.आयेशा यांनी केले.

वैद्यकीय अध्यापकांच्या प्रमुख मागण्यांमध्ये सातवे वेतन आयोगानुसार भत्ते मिळणे, जुनी पेन्शन योजना लागू करणे, अस्थायी सहायक प्राध्यापकांना समायोजन करणे, आश्वासित प्रगती योजना लागू करणे, अध्यापक यांना प्रशासकीय प्रशिक्षण देणे यांचा समावेश आहे.