मुखेड, (जि. नांदेड) ः गेल्या दाेन - अडीच महिन्यांपासून धुमाकूळ घालत असलेल्या काेराेना विषाणूंमुळे सुरवातीला सर्वांनीच काळजी घेतली हाेती. मात्र, दाेन आठवड्यांपासून बंदिस्त झालेल्या जनतेने माेकळा श्वास घेण्याचा प्रयत्न करताच चीनच्या वुहाणमधून निघालेला काेराेना मुंबई-पुणे मार्गावरून पाच बाधित रुग्णांच्या माध्यमातून मुखेडात दाखल झाला आहे.

भीतीचे वातवरण
अमेरिका, इटलीसारख्या बलाढ्य सुसज्ज देशात काेराेना महामारीने थैमान घातल्याचे दिसून येताच देशभरात लाॅकडाऊनचा पर्याय वापरण्यात आला हाेता. यादरम्यान पहिले दाेन आठवडे मेट्राे शहरांत असलेल्या या विषाणूचा त्या ठिकाणाहून चाेरट्या मार्गाने पलायन केलेल्या नागरिकांच्या माध्यमातून विभागीय स्तरावर पाेचला होता. मात्र, आठ दिवसांपूर्वी मुंबई, पुणे, हैदराबाद आदी भागातील मजुरांना परतीची परवानगी मिळताच स्थानिकांनी धास्त घेतली हाेती. त्यातच टेंभुर्णी (ता. नायगाव) येथील मुखेड भागात फिरलेला एक प्रवाशी काेराेनाबाधित असल्याचे स्पष्ट हाेताच तालुक्यात काही अंशी भीतीचे वातवरण निर्माण झाले हाेते. 

हेही वाचा -  मुख्यमंत्र्यांच्या शिवसेना जिल्हाप्रमुखांना काय आहेत सुचना ? ...वाचा -

लागलीच रावणकाेळ (ता. मुखेड) येथील दाेघा जणांनाही काेराेनाचा प्रादुर्भाव झाल्याचे स्पष्ट झाले. यामुळे चिंतेमध्ये भरच पडली. तर दाेन दिवसांपूर्वी उपजिल्हा रुग्णालयातील एक वैद्यकीय अधिकारी व एका परिचारिकेचा अहवाल पाॅझिटिव्ह येताच शहरात पुन्हा जनता कर्फ्यू लागला असून गजबजू लागलेले रस्ते पुन्हा सुनसान झाल्याचे चित्र दिसत आहे. टेंभुर्णी येथून आलेला रुग्ण दहिसर (मुबंई) येथून आला हाेता, तर रावणकाेळा येथील रुग्ण पुणे येथून आल्याचे सांगण्यात आले. यामुळे अडीच महिन्यांखाली चीनच्या वुहाणमधून निघालेला काेराेना लाॅकडाउनची सीमारेषा आेलांडत व्हाया मुंबई-पुणे मार्गे अखेर मुखेडपर्यंत पाेचल्याने जनतेमध्ये आता भीतीचे वातावरण पसरले आहे.