नांदेड - राज्यात कोरोनाची दुसरी लाट आली आहे. त्यासाठी अंशतः लॉकडाउन हा चांगला निर्णय होता. त्याचे सर्वस्तरातून स्वागत देखील झाले होते. परंतु इतर जिल्ह्याच्या तुलनेच नांदेडात पॉझिटिव्ह रुग्णांची संख्या कमी असताना देखील सोईच्या राजकारणासाठी पालकमंत्री अशोक चव्हाण यांच्या इशाऱ्यावर जिल्हाधिकारी यांनी लॉकडाउनची घोषणा करणे योग्य नाही. असा घणाघात आझाद समाज पार्टीचे प्रदेशाध्यक्ष राहुल प्रधान यांनी केला आहे. 

आझाद समाज पार्टीच्या वतीने बुधवारी (ता. २४) आयोजित पत्रकार परिषदेत श्री. प्रधान बोलत होते. ते म्हणाले की, लॉकडाउन केल्यामुळे अनेकांच्या रोजगारावर गदा येत आहे. त्यांच्यासह कुटुंबियांवर उपासमारीची देखील वेळ येत आहे. कोरोनाच्या रुग्णवाढीवर लॉकडाउन हा कायमस्वरुपी उपाय होऊ शकत नाही. कष्टकरी जनतेला सरकराच्या तुटपुंज्या मदतीची गरज नाही. गरज आहे ती त्यांच्या रोजगार पुरविण्याची. त्यांच्या रोजच्या कामावर कुठलीही गदा येणार नाही. यासाठी सरकार देखील प्रयत्नशील असावे. परंतु तसे होताना दिसत नाही. 

हेही वाचा- नांदेड जिल्हा मध्यवर्ती सहकारी बॅंकेची निवडणुक चुरशीची होणार

जिल्हाधिकारी यांची ही लॉकडाउनची भूमिका संशयास्पद 

नांदेडपेक्षा इतर जिल्ह्यात कोरोना रुग्णांची सर्वाधिक असताना देखील त्या ठिकाणी पूर्णवेळ लॉकडाउन केले गेले नाही. मग नांदेडातच लॉकडाउन का लावले जाते. जिल्हाधिकारी यांची ही लॉकडाउनची भूमिका संशयास्पद असून, त्यांनी दहा दिवसाचे लॉकडाउन करण्यापूर्वी विचार करावा. कोरोना पॉझिटिव्ह रुग्णांना सुविधा द्याव्यात, ज्यांचा रिपोर्ट पॉझिटिव्ह येतो त्या सर्वांना कोरोना चाचणी सेंटरवरुन थेट रुग्णालयात दाखल करुन घ्यावेत. त्यांच्यावर योग्य ते उपचार करावेत परंतु तसे होत नाही. 

हेही वाचा- इतवारा पोलिसांकडून गंभीर गुन्ह्यातील चार आरोपींना अटक; आज करणार न्यायालयासमोर हजर

१४ एप्रीलला भिमजयंतीला लॉकडाउन सवलत हवी

अनेक पॉझिटिव्ह रुग्ण रस्त्यावर फिरतांना दिसून येत आहेत. त्या पॉझिटिव्ह रुग्णांवर निर्बंध घालावेत. पॉझिटिव्ह रुग्ण रस्त्याने फिरत असतील तर जिल्ह्यात कोरोनाचा स्फोट होण्यास वेळ लागणार नाही. अशी भूमिका श्री. प्रधान यांनी मांडली. 
एप्रिल महिन्यात महात्मा जोतिबा फुले व भारतरत्न डॉ. बाबासाहेब आंडेकर यांची जयंती आहे. त्यामुळे जिल्हा प्रशासनाने जयंतीला नियमावली घालुन भीम अनुयायींना दोन्ही महामानवांना अभिवादन करण्यासाठीची संधी उपलब्ध करुन द्यावी. असे मागणी देखील श्री. प्रधान यांनी केली.