लोहा : आजच्या कलयुगात श्रावणबाळा सारखे माणसे या जगात असल्याची अनुभूती जिल्हा परिषदेच्या शाळेत झालेल्या शैक्षणिक साहित्य तुला दान कार्यक्रमावरून समोर आली. शहरातील जिल्हा परिषद शाळेतील राजीव तिडके या शिक्षकाने आपल्या आईच्या ८४ वा वाढदिवसाच्या निमित्ताने मंळवारी रोजी आयोजित कार्यक्रमात शालेय उपयोगी साहित्याची तुला करून ते विद्यार्थ्यांना वाटप केले.

जिल्हा परिषदेच्या शाळेला स्वच्छ, सुरक्षित, हरित व डिजिटल करण्यासाठी प्रचंड मेहनत करणारे सहशिक्षक राजीव तिडके यांनी वाढदिवसा वर होणारा वायफळ व अनाठायी खर्च टाळून स्वतःच्या सुवर्ण महोत्सवी वाढदिवस तसेच स्वतःच्या मातोश्रींची शाळेच्या पहिल्या दिवशी जिल्हा परिषद शाळेच्या प्रांगणात शैक्षणिक साहित्य तुला करून ते सर्व विद्यार्थ्यांना वाटप करण्यात आले. त्यामध्ये वह्या, पेन, पुस्तके आदींचा समावेश होता.

सदरील कार्यक्रमास गटशिक्षणाधिकारी रवींद्र सोनटक्के, शिक्षण विस्तार अधिकारी सर्जेराव टेकाळे, मुख्याध्यापक कवर आदींची प्रमुख उपस्थिती होती. या वेळी शालेय शिक्षण समितीचे अध्यक्ष ज्ञानेश्वर भिसे, वाडेवाले, वीरभद्र स्वामी, बी.एस.भांगे, प्रदीप कांबळे, मुख्याध्यापक एच.एन. कवर, सहशिक्षक एस,एन. कागणे, श्री.आर.ए. सोनटक्के, फारुख शेख, एन.आर. गुंडरे, सी.टी. बैस, के.डी. केंद्रे, एस.एस. ताटे, एल.ए.भोसले, पांडूरंग चिखलभोसीकर, शेटे, साहेबराव खंडेलोटे, महेश तिडके आदींसह बहुसंख्य विद्यार्थी उपस्थिती होती.