नांदेड ः महापालिकेच्या पथकाने बुधवारी १३ दुकाने सील केली. 
नांदेड ः महापालिकेच्या पथकाने बुधवारी १३ दुकाने सील केली.  
नांदेड

Video - नांदेडकरांनो सावधान; घराबाहेर पडताना घ्या काळजी....

अभय कुळकजाईकर

नांदेड - कोरोनाचा प्रादुर्भाव रोखण्यासाठी नांदेड महापालिकेच्या वतीने पथकांची स्थापना करण्यात आली असून, बुधवारी (ता.आठ) पथकाने शारीरिक अंतराचे पालन न करणे, तोंडाला मास्क न लावणे या व इतर कारणांसाठी कारवाई केली. दिवसभरात १३ दुकाने सील करण्यात आली आहेत. त्याचबरोबर तोंडाला मास्क लावले नसल्याने नागरिकांकडून ३१ हजार नऊशे रुपयांचा दंड वसूल करण्यात आला आहे.

नांदेडमध्ये कोरोना रुग्णांची दिवसेंदिवस वाढती संख्या लक्षात घेता जिल्हाधिकारी डॉ.विपीन ईटनकर यांनी कोरोना ब्रेक द चेन ही नियमावली लागू केली आहे. त्यानुसार महापालिका आयुक्त डॉ. सुनील लहाने यांच्या आदेशानुसार बुधवारी पथकाच्या वतीने कडक अंमलबजावणी सुरू करण्यात आली आहे. 

महापालिकेच्या पथकाने केली कारवाई
वजिराबाद, चिखलवाडी कॉर्नर, जुना मोंढा आदी भागांत पथकाच्या वतीने कारवाई करण्यात आली. या पथकात उपायुक्त अजितपालसिंघ संधू, शुभम क्यातमवार, सुधीर इंगोले, विलास भोसीकर, सहायक आयुक्त प्रकाश गच्चे, राजेश चव्हाण, डॉ.मिर्झा फरतुल्ला बेग, अविनाश अटकोरे, अग्निशमन अधिकारी रईस पाशा यांच्यासह कर्मचाऱ्यांनी सहभाग घेतला. 

१३ दुकानांना केले सील
बुधवारी दिवसभरात सागर मोबाईल, विनायक टेलिकॉम, हरिओम मोबाईल, मारोती मोबाईल (सर्व चिखलवाडी कॉर्नर), श्री टेड्रर्स, इलियाज कंपनी, पांडुरंग कंपनी, रहेमान कंपनी, कोमल कंपनी (सर्व जुना मोंढा), बॉम्बे वॉच डेपो (हनुमान टेकडी), बॉम्बे लेडीज कलेक्शन (वजिराबाद), रिलायन्स डिजिटल मार्ट, मणियार हॉटेल (शिवाजीनगर) या तेरा दुकानांवर सीलची कारवाई करण्यात आली. यापुढेही महापालिकेच्या पथकाद्वारे कारवाई करण्यात येणार असल्याची माहिती उपायुक्त अजितपालसिंघ संधू यांनी दिली. 

तोंडाला मास्क नसल्याने दंड
तोंडाला मास्क लावले नसल्याने नागरिकांकडून दंड वसूल करण्यात आला. तरोडा सांगवी क्षेत्रीय कार्यालयाच्या पथकाने ५४ जणांकडून सात हजार शंभर रुपये, अशोकनगरच्या पथकाने ३५ जणांकडून पाच हजार शंभर रुपये, शिवाजीनगरने ५५ व्यक्तींकडून साडेपाच हजार रुपये, सिडकोच्या पथकाने १०७ जणांकडून १३ हजार नऊशे असे २५१ जणांकडून ३१ हजार नऊशे रुपये दंड वसूल करण्यात आला. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

ISL 2024: मुंबई सिटी ठरले चॅम्पियन! अंतिम सामन्यात मोहन बगानला चारली पराभवाची धूळ

Prajwal Revanna Case : एचडी रेवन्ना एसआयटीच्या ताब्यात; प्रज्ज्वल यांच्याविरोधात CBI कडून ब्लू कॉर्नर नोटीस निघण्याची शक्यता

IPL 2024 RCB vs GT Live Score: दमदार सुरुवातीनंतर बेंगळुरूने झटपट गमावल्या चार विकेट्स

Weather Update : पुण्यात उन्हाचा चटका कायम राहणार; राज्यात वादळी पावसाला पोषक वातावरण

Lok Sabha Election 2024 : ४०० पार घोषणा, पण भाजप अडीचशे जागांवर अडकणार

SCROLL FOR NEXT