नांदेड- स्वतंत्र भारताचे पहिले पंतप्रधान तथा भारतरत्न पंडीत जवाहरलाल नेहरु यांचे कार्य व विचार युवा पिढीसहीत सर्वांनाच प्रेरणा देणारे आहेत, असे प्रतिपादन महाराष्ट्र शासन पुरस्कार पुरस्कृत तथा सामाजिक कार्यकर्ते गुणवंत मिसलवाड यांनी केले. ते महाराष्ट्र राज्य मार्ग परिवहन महामंडळ नांदेड आगारात पंडीत जवाहरलाल नेहरु यांच्या १३१ व्या जयंतीनिमित्त बोलत होते. एस.टी. डेपो नांदेड आगाराच्यावतीने कोविड-१९ चे शासन नियम पाळून जयंतीचे आयोजन करण्यात आले होते.

पुढे बोलताना ते म्हणाले की, वयाच्या १५ व्या वर्षापासून राष्ट्रपिता म. गांधी यांच्या विचारावर प्रभावित होऊन भारत स्वातंत्र्याच्या अनेक आंदोलन, चळवळीत मोलाचे योगदान दिले असून आपण सर्वांनीच त्यांच्या कार्याचा व विचारांचा आदर्श घेऊन सामाजिक क्षेत्रात कार्य करण्याची काळाची गरज असल्याचे सांगितले. यावेळी आगार व्यवस्थापक पुरुषोत्तम व्यवहारे यांच्या हस्ते पं. जवाहरलाल नेहरु यांच्या प्रतिमेचे पुजन करुन अभिवादन करण्यात आले. या कार्यक्रमाला बसस्थानकप्रमुख वर्षा येरेकर, चार्जमन श्रीनिवास रेणके, वाहतुक उपनिरीक्षक सुधाकर घुमे, आनंद कदम कोंडेकर यांची प्रमुख उपस्थिती होती. शेवटी अध्यक्षीय समारोप पुरुषोत्तम व्यवहारे यांनी केले व सर्वांना शुभेच्छा दिल्या. आभार प्रदर्शन राजेश गहीरवार यांनी मानले.

हेही वाचा - नांदेड : धार्मिकस्थळे उघणार असल्याने भाविकांमध्ये आनंदाचे वातावरण -

कार्यक्रम यशस्वीतेसाठी सर्वश्री विजय गायकवाड, विनोद हतागळे, मंगेश झाडे, बाबुराव तर्फेवाड, भगतसिंघ सिद्धू, विजय खेडवनकर, राऊतखेडे, संजय खेडकर, रवी जायभाये, बसवेश्‍वर होनराव, चंद्रकांत वाघमारे, राजेश कांबळे यांनी मोलाचे परिश्रम घेतले.