भोसे - पावसाने ओढ दिल्याने खरीप पिकाचे नुकसान झाले. त्यामुळे तालुक्यात दुष्काळ जाहीर करावा म्हणून आमदार भारत भालके, स्वाभीमानी शेतकरी संघटना शिवसेनेही मागणी केली. दरम्यान, जिल्हाधीकारी डॉ राजेंद्र भोसले यांनी तालुक्यातील पिकाची पाहणी केली असली तरी त्यांच्या शासनास सादर होणाऱ्या अहवालबरोबर अडचणीतील शेतकऱ्यांना मदत कधी जाहीर होणार याकडे शेतकऱ्यांचे लक्ष लागले आहे.

तालुक्यात यंदा पावसाळा संपत आला तरी एकही समाधानकारक पाऊस न झालेने तालुक्यात असणारे मध्यम प्रकल्प अजून कोरडे आहेत. खरिप पिकाच्या दक्षिण भागातील पिकाची दयनीय अवस्था झाल्याने शेतकरी सलग दुसर्‍या वर्षी अडचणीत सापडला आहे. 

शेतकऱ्यांना मदत मिळावी यासाठी स्वाभीमानी शेतकरी संघटनेने नायब तहसीलदार गणेश लव्हे यांनाही निवेदन दिले. यावेळी जिल्हाधिकारी डॉ राजेंद्र भोसले, जिल्हा कृषी अधीक्षक बसवराज बिराजदार, तालुका कृषी प्रांताधिकारी प्रमोद गायकवाड, गटविकास अधिकारी राजेंद्रकुमार जाधव, तहसीलदार आप्पासाहेब समिंदर, तालुका कृषी अधिकारी नामदेव गायकवाड, प्रशांत काटे आदी उपस्थित होते. 

भोसे, जुनोनी, खुपसंगी, या गावातील पिकाची पाहणी केली. यामध्ये बाजरी, सुर्यफुल, तूर, मुग, मका ही खरीप पीके तर हातातून गेलेच आहे. निदान शासनाकडून काही मदत मिळेल का याकडे तालुक्यातील बळीराजा डोळे लावून बसला आहे.

दरम्यान, शेवटी मंगळवेढा येथे अधिकार्‍यांची बैठक घेऊन या बैठकीत मंगळवेढा तालुक्यात यंदा फक्त 37%पाऊस झाला असून, दुष्काळी उपाययोजना करण्यासाठी बिनचूक माहिती अधिकार्‍यांनी द्यावी तसा अहवाल शासनाकडे पाठवणार असलेचे असल्याचे सांगितले.