पंढरपूर : दारु प्यायलेल्या माणसाला कळतं की मोदीच देश सुरक्षित ठेवू शकतात, तर तुम्हाला आम्हाला कसं कळत नाही, असे धक्कादायक विधान महसूलमंत्री चंद्रकांत पाटील यांनी पंढरपुरात एका सभेत बोलताना केले.

महाराष्ट्रातील काँग्रेस पूर्ण संपवण्याचा प्रयत्न राष्ट्रवादीने केला आहे. सांगलीला काँग्रेसच्या चिन्हावर उमेदवार उभा करता आला नाही. ज्या वसंतदादा पाटील यांनी महाराष्ट्र आणि काँग्रेस उभी केली त्याच पाटील घराण्यावर बॅट घेण्याची वेळ यावी हे दुर्दैव, असल्याची टिप्पणी चंद्रकांत पाटील यांनी केली.

पंढपुरात रात्री भाजप-शिवसेनेचा संयुक्त मेळावा झाला. मेळाव्यानंतर पत्रकारांशी बोलताना पाटील यांनी राष्ट्रवादीने काँग्रेस संपवली असा आरोप केला. मेळाव्याला आमदार प्रशांत परिचारक, भाजपचे उमेदवार रणजितसिंह  नाईक निंबाळकर, माजी खासदार रणजितसिंह मोहिते पाटील, माजी आमदार सुधाकर परिचारक आदी उपस्थित होते.