कोल्हापूर  ः राजारामपुरी परिसरातील काटकर माळ येथे भरदुपारी दोघा मोटारसायकलस्वार चोरट्यांनी वृद्धेच्या गळ्यातील पाऊण तोळ्याची सोन्याची माळ हिसडा मारून लंपास केली. याची नोंद राजारामपुरी पोलिस ठाण्यात झाली. याबाबतची फिर्याद सुलोचना महादेव जाधव (वय 60, रा. दौलतनगर) यांनी दिली.

हे पण वाचा - सावधान ; कोल्हापुरातील तरूण अडकलेत या जाळ्यात 

पोलिसांनी दिलेली माहिती, दौलतनगर येथे सुलोचना महादेव जाधव राहतात. त्या धुण्याभांड्याचे काम करतात. काल दुपारी त्या कामासाठीच काटकर ममाळ परिसरात जात होत्या. येथील एस.टी. कॉलनीतून दोघे मोटारसायकलस्वार चोरटे आले. त्यांनी जाधव यांना एस.टी. कॉलनीचा पत्ता विचारला. तेवढ्यात मागे बसलेल्या चोरट्याने त्यांच्या गळ्यातील पाऊण तोळ्याची सोन्याची माळ हिसडा मारून पळविली. त्यानंतर ते दोघे चोरटे दौलतनगरच्या दिशेने पसार झाले. अचानक घडलेल्या या प्रकारामुळे जाधव यांनी ओरडा केला. तसे नागरिक जमा झाले. त्यांनीही चोरट्यांचा शोध घेण्याचा प्रयत्न केला. मात्र ते हाती लागले नाहीत. अखेरीस जाधव यांनी रात्री उशिरा राजारामपुरी पोलिस ठाण्यात फिर्याद दिली. परिसरातील सीसी टीव्ही आधारे पोलिस चोरट्यांचा शोध घेत आहेत.