निपाणी : तालुक्‍यातील ग्रामीण भागातील कडक लॉकडाउनचा (nipani lockdown) कालावधी शुक्रवारी (२८) संपला आहे. तर शहरात उद्या सोमवारी (३१) संपणार आहे. यापुढे ७ जूनपर्यंत तालुक्‍यात कडक लॉकडाउन राहणार की? की राज्य सरकारच्या नियमानुसार (rules of state government) सकाळी ६ ते १० वाजेपर्यंतची सेवा सुरू होणार? याकडे नागरिकांचे लक्ष लागून आहे. त्याबाबत सोमवारी (३१) बैठक आहे.

सेवाही बंद आहेत. शहरात १ जूनपर्यंत तर ग्रामीण भागात आठ दिवसांसाठी लॉकडाउन होता. तहसीलदार व तालुका पंचायत प्रशासनाने ग्रामीण भागात शुक्रवार (२८) पर्यंत कडक लॉकडाउनचे आदेश दिले होते. त्यानुसार ग्रामीण भागात शुक्रवारी लॉकडाउन संपला तरी शनिवारी (२९) पासून राज्य सरकारचा विकेंड लॉकडाउन (weakend lockdown) सुरु झाला. सोमवारी सकाळी ६ वाजता विकेंड लॉकडाउन संपत आहे. सोमवारपर्यंत कडक लॉकडाउन असल्याने उद्या (ता. ३१) व सकाळी ६ ते १० वाजेपर्यंत किराणा दुकानांसह अन्य व्यवसाय सुरु करता येणार नाहीत. मात्र ग्रामीण भागात सकाळी ६ ते १० वाजेपर्यंत सेवा सुरु राहणार? की नाही? याची प्रतिक्षा खेड्यातील दुकानदार, ग्रामस्थांना लागून आहे.

बुधवारनंतर पुन्हा लॉकडाउन?

शहरात मंगळवारी (१) व बुधवारी (२) सकाळी ६ ते १० वाजेपर्यंत दुकाने उघडण्यास मुभा द्यायची व त्यानंतर ७ जूनपर्यंत कडक लॉकडाउनचा विचार प्रशासन करीत आहे. त्याबद्दल सोमवारी (३१) प्रशासनाच्या बैठकीत अंतिम निर्णय होणार असल्याचे आयुक्त महावीर बोरण्णावर यांनी सांगितले.