पश्चिम महाराष्ट्र

राखीव प्रवेश प्रक्रियेसाठी आज चौथ्या फेरीची सोडत

सकाळ वृत्तसेवा

सातारा : शिक्षण हक्क कायद्यानुसार (आरटीई) राबवण्यात येणाऱ्या राखीव प्रवेश प्रक्रियेच्या चौथ्या विशेष फेरीची सोडत उद्या (ता. नऊ) काढण्यात येणार आहे. पालकांनी 21 सप्टेंबरपर्यंत शाळेत जाऊन प्रवेश घेणे आवश्‍यक असल्याचे प्राथमिक शिक्षण विभागाने नमूद केले आहे. 
आरटीईच्या प्रवेश प्रक्रियेसाठी शिक्षण विभागाने केवळ तीन फेऱ्या राबविल्या. जुलै महिन्यांत तिसरी फेरी झाली. त्यानंतरही राज्यातील हजारो, तसेच जिल्ह्यातील शेकडो विद्यार्थी प्रवेशाच्या प्रतीक्षेत होते. सातारा जिल्ह्यात या प्रवेश प्रक्रियेअंतर्गत 2019-20 या शैक्षणिक वर्षात 240 शाळांमधील दोन हजार 40 जागांसाठी दोन हजार 441 विद्यार्थ्यांनी अर्ज केले होते. प्रवेशाच्या तीन फेऱ्यांमधून एक हजार 896 विद्यार्थ्यांची निवड झाली. त्यातील एक हजार 348 विद्यार्थ्यांनीच प्रवेश घेतल्याने 548 जागा रिक्त राहिल्या होत्या. 
विद्यार्थ्यांना प्रवेश न मिळाल्याने पालकांकडून पुढील प्रवेश फेरी कधी होणार, याबद्दल सातत्याने शिक्षण विभागात चौकशी करण्यात येत होती. आरटीईच्या हजारो जागा रिक्त असल्याने त्यासाठी चौथी फेरी राबविण्याची मागणीही पालकांनी, तसेच विविध संघटनांनी शासनाकडे केली होती. त्यानुसार या जागांसाठी चौथी सोडत काढण्यासाठी प्राथमिक शिक्षण संचालनालयाने शालेय शिक्षण विभागाला प्रस्ताव पाठविला होता. 
पालकांच्या आणि संस्थांच्या मागणीनुसार चौथी सोडत काढण्याचा निर्णय शिक्षण विभागाने घेतला आहे. सोमवारी (ता. नऊ) ही सोडत काढण्यात येईल. सोडतीनंतर पालकांना एसएमएस मिळतील. त्यांनी बुधवारपासून (ता. 11) शाळेत जाऊन प्रवेश घेण्यास सुरवात करावी, तसेच एसएमएस न आल्यास आरटीईच्या संकेतस्थळावर जाऊन ऍप्लिकेशनवाइज डिटेल्समध्ये अर्ज क्रमांक लिहून लॉटरीची पडताळणी करावी. पालकांनी केवळ एसएमएसवर अवलंबून राहू नये, असे शिक्षण विभागाने नमूद केले आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Sushilkumar Shinde : पंतप्रधान नरेंद्र मोदींना सत्तेची चटक;ही निवडणूक हुकूमशाही विरुद्ध लोकशाहीची

Prasad Khandekar: 'महाराष्ट्राची हास्यजत्रा' फेम प्रसाद खांडेकरच्या वाढदिवसानिमित्त नम्रता संभेरावची खास पोस्ट; दहा वर्षांपूर्वीचा फोटो शेअर करत म्हणाली...

DY Chandrachud: CJI चंद्रचूड मुलांमधील सायबर गुन्ह्यांबद्दल चिंतित, आंतरराष्ट्रीय सहकार्याचे केले आवाहन

Brittany Lauga: ड्रग्जच्या नशेत ऑस्ट्रेलियन महिला खासदाराचे लैंगिक शोषण, इंस्टाग्राम पोस्टद्वारे व्यक्त केल्या वेदना

ICC ची मोठी घोषणा! महिला T20 World Cup 2024 चे शेड्यूल जाहीर; जाणून घ्या कधी भिडणार भारत-पाकिस्तान

SCROLL FOR NEXT