इस्लामपूर (सांगली) ः केंद्रीय लोकसेवा आयोगाच्या परीक्षेत येथील निमीष दशरथ पाटील यांनी देशात 389 वा क्रमांक मिळवला.
निमिष यांचे प्राथमिक शिक्षण येथील डॉ. व्ही. एस. नेर्लेकर प्राथमिक विद्यालयात झाले. माध्यमिक शिक्षण आदर्श बालक मंदिर हायस्कूल येथे झाले. चौथी व सातवी शिष्यवृत्ती परीक्षेतही त्यांनी यश संपादन केले होते.
एमटीएस परीक्षेत विशेष गुणवत्ता प्राप्त केली होती. मुंबईच्या सरदार पटेल कॉलेज ऑफ इंजिनीअरींग मधून मेकॅनिकल इंजिनीअरींगची पदवी घेऊन त्यांनी स्पर्धा परीक्षेसाठी थेट दिल्ली गाठली. त्यांनी तिसऱ्या प्रयत्नात हे यश मिळवले.
पहिल्या व दुसऱ्या प्रयत्नात ते मुलाखतीपर्यंत गेले. मात्र अंतीम यश आले नाही. तिसऱ्या प्रयत्नात त्यांनी यश मिळवले. अभ्यासातील सातत्य, चिकाटीजिद्द आणि पालकांचे प्रोत्साहन यामुळे हे यश प्राप्त झाले अशी प्रतिक्रीया निमिष पाटील यांनी व्यक्त केली. केआरपी कन्या महाविद्यालयातील प्रा. दशरथ पाटील यांचे ते चिरंजीव आहेत. आज निकाल समजताच निमीष यांच्या वर्गमित्रांनी गुलालाची उधळण केली.
संपादन ः धर्मवीर पाटील
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.