अथणी : विजापूर-अथणी रस्त्यावर येणाऱ्या मोटारसायकल-टीपर यांच्यात धडक होऊन बडची गावाजवळ दुचाकीस्वार ठार झाला. महांतेश संगप्पा सिंदूर (वय 35, रा. आढळहटी) असे ठार झालेल्याचे नाव आहे. ही घटना रविवारी (ता. १०) घडली.

सविस्तर माहिती अशी, मृत महांतेश हा आपल्या गावाहून अथणीकडे येत होता. टिपर विजापूरला चालली होती. बडची गावाजवळ हा अपघात झाला. अपघातात दुचाकीस्वार जागीच ठार झाला. ऐगळी पोलिसांनी घटनास्थळी धाव घेऊन पंचनामा केला. मृतदेहाची उत्तरणीय तपासणी करून तो नातेवाईकांच्या ताब्यात दिला. ऐगळी पोलिसात गुन्हा नोंद झाला आहे.