कोगनोळी : येथील राष्ट्रीय महामार्गावरील दूधगंगा नदीवर असणाऱ्या कर्नाटक (Karnataka) सीमा तपासणी नाक्याला रविवारी (ता. २८) बेळगाव (Belguam) जिल्हाधिकारी आर. व्यंकटेशकुमार (R.Venkatesh Kumar)यांनी भेट देऊन सुरु असलेल्या कामकाजाची पाहणी केली. कडक बंदोबस्त ठेवण्यासह अधिकाऱ्यांना विविध सूचना दिल्या.
जिल्हाधिकारी आर. व्यंकटेशकुमार म्हणाले, महाराष्ट्र व इतर राज्यातून कर्नाटकात प्रवेश करणाऱ्या प्रवाशांचे ओळखपत्र व अहवाल पाहूनच कर्नाटकात प्रवेश द्यावा. बंदोबस्त कडक करावा. अहवाल नसणाऱ्या प्रवाशांना कर्नाटकात प्रवेश देऊ नये त्यांना परत महाराष्ट्रात पाठवून द्यावे. दोन दिवसात रुग्ण संख्या वाढत असल्याने जिल्ह्यात खबरदारीच्या उपाययोजना केल्या आहेत. तहसीलदार डॉ. मोहन भस्मे यांनी, कर्नाटक सीमा तपासणी नाक्यावर सुरू असणार्या कामकाजाची माहिती दिली.
यावेळी डॉ. बागेवाडी, निरीक्षक अभिजित गायकवाड, सर्कल अजित वंजोळे, कोगनोळीचे तलाठी के. एल. पुजारी, ग्रामसेवक सुधीर बोरगावे, नंदकुमार पाटील, किसन सोनुले, कोगनोळी पोलिस ठाण्याचे सहाय्यक उपनिरीक्षक एस. ए. टोलगी, एम. एस. सूर्यवंशी यांच्यासह आरोग्य, पोलिस, महसूल विभाग, आशा कार्यकर्त्या उपस्थित होत्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.