गडहिंग्लज : गडहिंग्लज-चंदगड मार्गावरील (chandgad-gadhinglaj highway) महागावजवळच्या लाकूडवाडी घाटात दोन मोटारसायकलींची समोरसमोर झालेल्या जोराच्या (accident) गडहिंग्लज-चंदगड हायवेवर झालेल्या अपघातात पोस्टल कर्मचारी ठार धडकेत एक ठार, तर दोघे जण गंभीर जखमी झाले. जुजेवास फास्कू डिसोझा (वय ५८, वाटंगी, ता. आजरा) असे मृताचे तर शशिकांत कुंभार (नेसरी, ता. गडहिंग्लज) व नसरुद्दीन गुलाब शेख अशी जखमींची नावे आहेत. सोमवारी (२८) सायंकाळी सातच्या सुमारास हा अपघात झाला. (crimecase)

पोलिसांनी दिलेल्या माहितीनुसार, मृत डिसोझा व जखमी कुंभार दोघेही गडहिंग्लजच्या पोस्ट कार्यालयातील कर्मचारी आहेत. डिसोझा रोज नोकरीनिमित्त वाटंगी-गडहिंग्लज-वाटंगी असा प्रवास करतात. सोमवारी सायंकाळी कार्यालयातील कामकाज आवरून डिसोझा व कुंभार दोघेही मोटरसायकलने (एमएच ०९ बीडी ६७२९) गावाकडे जात होते. लाकूडवाडी घाटात नेसरीहून गडहिंग्लजच्या दिशेने मोटारसायकल (एमएच ०९ एई ७८६२) ने भरधाव येणाऱ्या नसरुद्दीन शेखने डिसोझा यांच्या मोटारसायकलला समोरून जोराची धडक दिली. त्यात तिघेही गंभीर झाले. डिसोझा यांच्या डोकीला गंभीर दुखापत झाली होती. तिघांनाही दवाखान्यात आणण्यात आले. उपचार सुरु असतानाच डिसोझा यांचा मृत्यू झाला, तर कुंभार व शेखवर उपचार सुरू आहेत. यासंदर्भात मृत डिसोझाचे भाऊ डॉ. आर. पी. डिसोझा यांनी पोलिसांत फिर्याद दिली आहे. मोटारसायकल चालक नसरुद्दीन शेख याच्यावर निष्काळजीपणे वाहन चालवून एकाच्या मृत्यूस कारणीभूत ठरल्याचा गुन्हा दाखल करण्यात आला आहे.

जवळच होती सेवानिवृत्ती

मृत डिसोझा गावात पोस्टमन होते. त्यांना चार महिन्यांपूर्वीच बढती मिळाल्याने गडहिंग्लजच्या पोस्ट कार्यालयात त्यांची बदली झाली होती. त्यांच्या सेवानिवृत्तीसाठी दीड वर्षाचा कालावधी शिल्लक होता. त्यांच्या मागे पत्नी, मुलगा, दोन मुलगी, आई, वडील, भाऊ असा परिवार आहे. या घटनेने वाटंगीसह परिसरात हळहळ व्यक्त होत आहे.