कोल्हापूर  : सुट्टीच्या ऐन हंगामात हप्त्यावर घेतलेली ट्रॅव्हलर दारात उभी बघून अनेक ट्रॅव्हल व्यावसायिकांच्या डोळ्यातून पाणी येत आहे. दारात उभारलेली गाडी, त्या साठीचा बँकेचा हप्ता, वर्षाचे टॅक्स, ड्रॉयव्हरचा पगार शिवाय मेंटेनन्स अश्या अनेक प्रश्नाचा काहूर मनामध्ये घेऊन जिल्ह्यातील ट्रॅव्हलर व्यावसायिक सध्या जगत आहेत.  

फेब्रुवारी आणि मार्चचा परीक्षेचा हंगाम संपताच देशभरामध्ये सुट्टीच्या हंगामाला सुरवात होते. जिल्ह्यासह राज्यातील तसेच देशातील काही ठिकणी सहल आयोजित करण्याची अनेकांची स्वप्ने सुरु होऊ लागतात. त्यांच्या या स्वप्नातील सहल सत्यात उतरवण्यासाठी त्या नेमक्या ठिकाणी ने-आन करणाऱ्या ट्रॅव्हलर व्यवसायिकांचीच झोप सध्या उडाली आहे. या ट्रॅव्हलर  वर ड्रायव्हर आणि क्लिनर म्हणून काम करणाऱ्यांवर तर उपासमारीची वेळ आली आहे.

हेही वाचा- ब्रेकिंग : पोलिसांनी निम्मी सांगली केली लॉक...कशासाठी? वाचा -

 त्यांची झोप उडाली अन्

सर्वच वाहने थांबून असल्यामुळे शिवाय या साठीचे अन्य खर्च हे उत्पन्नाविना करावे लागत असल्यामुळे ट्रॅव्हलर  मालकांची स्थिती इकडे आड तिकडे विहीर अशीच झाली आहे. काही वर्ष ड्रॉयव्हर म्हणून नोकरी करणार्यांनी थोडे मोठे स्वप्न बघत या हंगामापूर्वी कर्ज प्रकाराने करून गाड्या घेतल्या आहेत अश्या व्यावसायिकांना सर्वाधिक फटका बसला आहे. सध्या राज्यभरातील लॉकडाऊन 30 एप्रिल पर्यंत असले तरीही आणखीन पुढे काय होईल हे सांगणे कठीण आहे. या नंतर पुन्हा पावसाळा सुरु होणार आहे. अश्या परिथतीत हा व्यवसाय पुन्हा उभारायला दिवाळी पर्यंतची वाट पाहावी लागणार आहे हे निश्चित.  

हेही वाचा- कोल्हापूर जिल्ह्यातील 15 निवारागृहांमध्ये राज्यातील 181 परराज्यातील 643 -

खासगी सहलीसाठीच्या गाडयांची आकडेवारी​

फक्त खासगी सहलीसाठीच्या गाडयांची आकडेवारी शहर आणि परिसरामध्ये सुमारे 500 ट्रॅव्हल्स शहर आणि परिसरामध्ये सुमारे 70 बसेस ( 50 आसनी ) चौकट एक गाडीचा खर्च ट्रॅव्हलर ( 14 आसनी आणि 17 आसनी ) 29 हजार रुपये वार्षिक टॅक्स वार्षिक विमा 35 हजार ते 45 हजार मासिक हप्ता ( बँक अथवा फायनान्स ) 8 हजार ते 15 हजार.ड्रायवर वेतन 7 हजार ते 10 हजार मासिक बस ( 50 आसनी ) 1 लाख रुपये वार्षिक टॅक्स वार्षिक विमा 60 हजार 90 हजार मासिक हप्ता ( बँक अथवा फायनान्स ) 30 हजार ते 50 हजार ड्रायवर वेतन 10 ते 12 हजार, क्लिनर वेतन 7 ते 10 हजार 

हेही वाचा- चक्क ९ बोटींना दिली यांनी जलसमाधी....

सध्या उद्भवलेल्या परिस्थितीमुळे सर्वच वाहने जागचे जागी लावून आहे. अश्याने या वाहनातून मिळणारे उत्पन्न थांबले असले तरीही होणार खर्च थांबला नाही आहे. वाहने थांबून असल्यामुळे व्यावसायिकांचे नुकसान होताच आहे त्याहूनहि अधिक नुकसान या गाड्यांवर काम करणारे ड्रायवर आणि क्लिनरचे होत आहे. कामंच नसल्यामुळे त्यांच्या उत्पन्नाचे सर्वच स्रोत थांबले आहेत.गणेश पाटील ( पाटील टूर्स अँड ट्रॅव्हल )