कोल्हापूर : जिल्ह्याचे पालकमंत्री सतेज पाटील आणि मंत्री हसन मुश्रीफ यांनी केलेल्या अवाहनानुसार त्यांच्या शब्दाला मान देऊन पुणे शिक्षक मतदारसंघाच्या निवडणुकीतील उमेदवारी मागे घेत आहे. असे स्पष्टीकरण शिक्षकनेते दादासाहेब लाड यांनी  दिले. 

यावेळी पालकमंत्री सतेज पाटील यांनी सर्व कर्मचाऱ्यांना जूनी पेन्शन योजना लागू करण्यासाठी सर्वोतोपरी प्रयत्नवत राहू तसेच कोजिमाशी पतसंस्था निवडणूकीसाठी लाड यांना जयंत आसगांवकर हे बिनशर्त पांठीबा देतील असे अभिवचन दिले, तसेच यापुढ्च्या काळात विनाअनुदानित शाळांना अनुदान मिळावे व जुनी पेन्शन योजना सर्व कर्मचाऱ्यांना लागू व्हावी यासाठी कार्यरत राहण्याची भूमिका असल्याचे दादासाहेब लाड यांनी स्पष्ट केले.

हे पण वाचा - भाजपला ब्लॅकमेल करण्यासाठी सदाभाऊ खोत यांच्याकडून स्वाभिमानीचा वापर

यावेळी त्यांच्यासोबत कोजिमाशी पतसंस्थेचे चेअरमन कैलास सुतार, पगारदार पतसंस्था फेडरेशन अध्यक्ष मनोहर पाटील, मच्छिद्र शिरगांवकर, अशोक मानकर, राजेश पाटील, नामदेव गुंजवते उपस्थित होते.

संपादन - धनाजी सुर्वे