कोल्हापूर : जिल्ह्यात ग्रामपंचायतीसाठी आज मतदान होत आहे. सकाळी साडेसात वाजल्यापासूनच मतदानासाठी लोकांनी गर्दी केली आहे. शासकीय सुट्टी जाहीर केली आहे, मात्र त्याची अंमलबजावणी झाली नसल्याने विविध कार्यालयात कामावर जाणाऱ्याची धावपळ उडाली आहे. 

जिल्ह्यातील 433 ग्रामपंचायतींची निवडणूक होत आहे. यापैकी 47 ग्रामपंचायती बिनविरोध झाल्या आहेत. तर, 386 ग्रामपंचायती निवडणूक होत आहे. यासाठी जिल्हा प्रशासनाने आणि जिल्हा निवडणूक विभागात जय्यत तयारी केली आहे. आज 1553 मतदान केंद्रावर मतदान सुरू झाले आहे. प्रत्येक मतदार केंद्राबाहेर पोलिसांचा कडेकोट बंदोबस्त तैनात केला आहे. सकाळी सव्वा नऊ पर्यंत मतदान शांततेत आणि सुरळीत पार पडले.

हेही वाचा - आजी माजी आमदारांच्या गावात ईव्हीम मशीन पडले बंद -

संपादन - स्नेहल कदम