कोल्हापूर : कोरोनाचे संकट दिवसेंदिवस गंभीर होत असतानाही दिलेल्या आदेशाचा भंग करणाऱ्या जिल्ह्यातील ३३ हॉटेल व्यावसायिकांवर पोलिसांनी थेट गुन्हे दाखल केले. हॉटेल बंद करण्याची वेळेचा भंग, ग्राहकांना हॉटेलमध्ये बसविणे, मास्क, सॅनिटायझरचा वापर न करण्यांवर ही कारवाई केली. अपर पोलिस अधीक्षक तिरुपती काकडे यांच्या नेतृत्वाखाली ही 
मोहीम राबविली.

कोरोनाचा प्रादुर्भाव दिवसेंदिवस वाढू लागला आहे. तो रोखण्यासाठी शासनस्तरावर विविध पातळीवर उपाययोजना केल्या जात आहेत. त्या अनुषंगाने उपविभागीय दंडाधिकाऱ्यांनी यांनी संचारबंदी आदेश पारित केले. यात जिल्ह्यातील हॉटेल रात्री नऊ वाजता बंद करणे अपेक्षित आहे; पण काही हॉटेलमध्येच ग्राहकांना जेवण देत असल्याचे आढळले आहे. हॉटेल मालक, व्यवस्थापक, कामगार यांनी मास्क, सॅनिटायझरचा वापर न केल्याचे दिसून आले. अशा ३३ हॉटेलमधील संबंधितांवर काकडे यांच्या पथकाने कारवाई करून गुन्हे दाखल केले.

हेही वाचा- राज्यभर विविध जिल्ह्यात जनता कर्फ्यू पाळला जातो पण, हा जनता कर्फ्यू म्हणजे नक्की काय?

ठाणे निहाय कारवाईचे  स्वरूप, हॉटेलचे नाव 

 हॉटेल सात बारा, चायनीज सेंटर, चिंचवाड रोड. शिवाजीनगर ः हॉटेल आस्वाद गार्डन, पिरजादे धाबा. आजरा ः शिवनेरी रेस्टॉरंट. जुना राजवाडा ः सीसी चायनीज सेंटर, हॉटेल समर्थ, गुरुदत्त भेल. एस. एस. चायनीज सेंटर. अजिंक्‍य तारा हॉटेल. शिरोली एमआयडीसी पोलिस ठाणे  ः हॉटेल ओम. महाराष्ट्र बिर्याणी, शिवतेज, माऊली. करवीर ः व्हीनस बार, दया फॅमिली रेस्टॉरंट. पेठवडगाव ः शेरे पंजाब धाबा, हॉटेल मनपसंद, हॉटेल वेदांत. गोकुळ शिरगाव ः हॉटेल मातोश्री, हॉटेल जयभवानी. शिरोळ ः मित्रप्रेम, हॉटेल मौजे आगर, लक्ष्मीढाबा मौजे आगर. जयसिंगपूर ः हॉटेल तडाका, आनंद, विराज घरगुती खानावळ, यंगस्टार, हॉटेल समर्थ. शहापूर ः हॉटेल नाजूका, हॉटेल शिवदास. हुपरी ः दैव खानावळ, जयहिंद धाबा, देसाई खानावळ. हातकणंगले ः दोन घरगुती खानावळ. कुरुंदवाड ः न्यू मामाश्री तंदुर धाबा न्यू सौरभ तंदुर धाबा, मोरया हॉटेल, धरणगुत्ती खानावळ, मैत्री गार्डन.

संपादन - अर्चना बनगे