कोल्हापूर - भारतीय जनता पक्षाची निवडणुकीसंदर्भातील बैठक आज मुंबईत झाली. बैठकीमध्ये सांगली-मिरज महापालिकेचे माजी उपमहापौर शेखर इनामदार यांची कोल्हापूर महापालिकेच्या निवडणुकीसाठी प्रभारी म्हणून नियुक्ती करण्यात आली. तसेच महापालिका निवडणुकीच्या दृष्टीकोनातून चर्चा झाली. 

महापालिका निवडणुकीसाठी भारतीय जनता पक्षाने गतीने व्यहरचना करण्यास सुरुवात केली आहे. यासाठी सर्वप्रथम निवडणुकीची सर्व सुत्रे माझी खासदार धनंजय महाडिक, महेश जाधव यांच्याकडे देण्यात आली. त्यानंतर सहा सदस्यांची एक समिती बनवण्यात आली. आज मुंबईमध्ये झालेल्या बैठकीमध्ये शेखर इनामदार यांची प्रभारी म्हणून निवड झाली.

हे पण वाचा - जुन्या मित्राला धडा शिकवण्यासाठी चंद्रकांत पाटलांची खेळी;  स्वतःच्या गावात ग्रामपंचायतसाठी भाजप-काँग्रेस-राष्ट्रवादी काँग्रेसची आघाडी  

जिल्हा आणि प्रदेश यांच्यामध्ये निवडणुकीच्या दृष्टीने समन्वय ठेवण्याचे काम इनामदार करणार आहेत. या बैठकीला प्रदेशाध्यक्ष चंद्रकांत पाटील, विरोधी पक्षनेते देवेंद्र फडणवीस, संघटनमंत्री विजय पुराणीक, प्रदेश सरचिटणीस श्रीकांत भारती, माजी खासदार धनंजय महाडिक, माजी आमदार अमल महाडिक, पश्‍चिम महाराष्ट्र देवस्थान समिती सदस्य महेश जाधव, जिल्हाध्यक्ष राहुल चिकोडे, सरचिटणीस विजय जाधव हे उपस्थित होते. 

संपादन - धनाजी सुर्वे