बेळगाव : अवजड वाहनाने चिरडल्याने दुचाकीवरील बहीण भाऊ जागीच ठार झाले. शुक्रवार (ता.13) सकाळी 9 च्या सुमारास बेळगाव खानापूर महामार्गावरील देसुर येथील पेट्रोल डेपोजवळ हा अपघात घडला. रेणुका रमेश यग्गुर (वय 28 रा. रायापूर नंदगड) आणि कमलेश करेप्पा कोरवी(वय 25, रा. कमलनगर) अशी मयतांची नावे आहेत. अपघाताची नोंद बेळगाव ग्रामीण पोलीस ठाण्यात झाली आहे.
वरील दोघे बहीण भाऊ असून ते देसुर येथील पेट्रोल डेपोत चतुर्थ श्रेणीत कर्मचारी म्हणून कामाला होते. आज सकाळी नेहमीप्रमाणे दिघेही दुचाकीवरून कामाच्या ठिकाणी जात होते. समोरील वाहनाला ओव्हरटेक करण्याच्या प्रयत्नात असताना दुचाकी बेळगावकडे येणाऱ्या कंटेनरखाली सापडली. पाठीमागील दोघांच्याही अंगावरून गेल्याने चिरडून दोघेही जागीच ठार झाले. कंटेनरचालकाने वाहन तेथेच सोडून पलायन केले. व थेट पोलीस ठाणे गाठले. बेळगाव ग्रामीण पोलिसांनी घटनास्थळी धाव घेऊन पंचनामा केला.
संपादन- अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.