सरुड (कोल्हापूर) : शाहूवाडी (Shahuwadi)तालुक्यात यापूर्वी चहा आणि रताळी लागवडीचा मोठ्या प्रमाणात प्रयोग पूर्वी झाला आहे. मात्र येथील शेतकरी पारंपरिक शेतीला फाटा देऊन प्रयोगशिलतेकडे वळला आहे. येथील शेतकऱ्यांनी सुमारे १४ ते १५ एकर क्षेत्रात या तैवान किंग पेरुची (Taiwan King Peru)लागवड केली आहे. (success-story-taiwan-king-guava-fruit-planted-in-14-acres-shahuwadi-farmer-marathi-news)

परळे निनाई येथे पेरू लागवडीचा शाहूवाडी तालुक्यातील हा पहिलाच नावीण्यपूर्ण प्रयोग असून, येथील शेतकऱ्यांनी थेट आंध्र प्रदेशमध्ये जाऊन त्यांनी तेथील संकरित पेरुची रोपे आणली आहेत. हा पेरू साधारण ३०० ग्रॅम ते अर्धा किलो वजनाचा असतो. एकदा लावलेली बाग सुमारे १५ वर्षे पीक देणार आहे. पेरू लागवडीस हेक्टरी अडीच लाख रुपये शासकीय अनुदान असल्याचे येथील शेतकऱ्यांनी सांगितले. यामुळेच शासकीय अनुदानाचा लाभ उठवत हे पीक जर तालुक्यात यशस्वीपणे उभे राहिले तर शाहूवाडी तालुक्यातील मोठ्या प्रमाणात पडीक असलेले शेती क्षेत्र पेरू लागवडीस पोषक ठरू शकते.

हेही वाचा- ‘त्यांचे’अवसान राष्ट्रवादीच्या पाठिंब्यावरच'; अरुण लाड यांचे पृथ्वीराज देशमुखांवर टीकास्त्र

मी माझ्या स्वतःच्या माळरानाच्या शेतात तैवानकिंग पेरू लागवडीचा प्रयोग यशस्वी केला आहे. याची संकरित रोपे आंध्रप्रदेशातून जावून आणली आहेत. शासकीय अनुदानही चांगले असल्याने नावीन्यपूर्ण प्रयोगाकडे वळलो.

संतोष नवाळे, शेतकरी, परळे निनाई

शाहूवाडीत पेरू लागवडीसाठी रोजगार हमी योजनेंतर्गत शेतकऱ्यांना अनुदान प्राप्त झाले आहे. शेतकऱ्यांनी अनुदान घेऊन अत्यंत चांगल्या प्रकारे तैवान किंग जातीच्या पेरुची लागवड करून पारंपरिक पिकास फाटा दिला आहे.

अभिजित धेडे, तालुका कृषी अधिकारी, शाहूवाडी