आजऱ्यासह परिसरात
रामनवमी उत्साहात
आजराः आजरा तालुक्यात रामनवमी उत्साहात झाली. आजऱ्यापासून दिड किलोमीटर अंतरावरील रामतीर्थीवरील राम मंदिरात जन्मोत्सव सोहळा मोठ्या उत्साहात झाला. या वेळी परंपरेनुसार विविध धार्मिक कार्यक्रम झाले. शहरातील राम मंदिरात दर्शनासाठी रामभक्तांची मोठी केली होती. रामतीर्थ येथील राममंदिरात पहाटे काकड आरती झाली. तिर्थ प्रसाद झाला. येथेही भाविकांची मोठी गर्दी होती. विलास नलवडे, प्रभाकर नेवरेकर, श्रेयश कोटकर व आजरेकर ग्रामस्थ व तरुण मंडळांनी यासाठी परिश्रम घेतले. शहरात मंदिरात संध्याकाळी पाच वाजता भावडेकर गुरुजी यांचे रामरक्षा प्रवचन झाले. सायंकाळी या परिसरात पावन खिंडी सिनेमा दाखवला जाणार आहे. या साठी रविंद्र केळकर, उदय आजरेकर, दिपक कुरुणकर, नेताजी बुरूड यासह रामदेव गल्ली तरुण मंडळातील कार्यकर्ते सहभागी झाले होते. शेळप (ता. आजरा) येथेही रामजन्मोत्सव सोहळा झाला. पेरणोली येथील विठ्ठल मंदिरात रामनवमी उत्साहात साजरी झाली.