वणव्याबाबत प्रबोधन
होणे गरजेचे ः देसाई
आंबा ः ‘समृद्ध सह्याद्री उजाड होत चालल्यामुळे मानव व प्राण्यांमध्ये संघर्ष वाढत चालला आहे. सह्याद्रीच्या ठेव्याचे अस्तित्व टिकवणे महत्त्वाचे आहे म्हणून वृक्षतोड व वणव्याबाबत लोकांत प्रबोधन होणे गरजेचे आहे,’ असे मत वनपाल मनीषा देसाई यांनी व्यक्त केले.  सह्याद्री परिमंडळ आंबा अंतर्गत जागतिक वन दिनानिमित्त चांदोली प्राथमिक शाळेत आयोजित केलेल्या कार्यक्रमात त्या बोलत होत्या. अध्यक्षस्थानी मुख्याध्यापक आकाराम पाटील होते. वनरक्षक रोहिदास पडवळे, महादेव कुंभार, उमेश नांगरे यांनी मनोगत व्यक्त केले. मोहिनी मिरजकर, वनसेवक विशाल जाधव, अमोल ओंडकर उपस्थित होते.