01501
इचलकरंजी : वर्षप्रतिपदा उत्सव स्वयंसेवकांनी शिस्तबद्धरित्या पार पडला.

राष्ट्रीय स्वयंसेवक संघातर्फे वर्ष प्रतिपदा उत्सव
इचलकरंजी, ता. २३ ः समाज प्रबोधनाचे काम करीत सामाजिक परिवर्तनाचे विषय हाताळणे आवश्यक आहे, असे प्रतिपादन राष्ट्रीय स्वयंसेवक संघाचे समरसता गतीविधी पश्चिम क्षेत्र कार्यकारिणी सदस्य निलेश गद्रे यांनी येथे केले. ते राष्ट्रीय स्वयंसेवक संघाच्या वर्ष प्रतिपदा उत्सवाप्रसंगी बोलत होते.
मॉडर्न हायस्कूलच्या पटांगणावर गुढीपाडव्यानिमित्त राष्ट्रीय स्वयंसेवक संघ, इचलकरंजीतर्फे ''वर्षप्रतिपदा उत्सव’ साजरा केला. व्यासपीठावर सुशिल फार्माचे संचालक रविंद्र पाटील, विभाग सहसंघचालक भगतराम छाबडा यांची प्रमुख उपस्थिती होती. उत्सवाच्या प्रारंभी ध्वज प्रणाम केले. त्यानंतर शारीरिक प्रात्यक्षिकमध्ये सूर्यनमस्कार, दंड, समता व व्यायाम योगप्रकार तर बौद्धिकमध्ये सांघिक गीत, वैयक्तिक गीत, अमृत वचन, सुभाषित आदी घेण्यात आले. कार्यक्रमात भगतराम छाबडा यांनी शहर पातळीवरील संघातील विविध पदांच्या नियुक्त्या जाहीर केल्या.