फोटो लहान वापरा
--
11012
11013
इचलकरंजी : १) हातगाड्यावर राघू आंबा मोठ्या प्रमाणात विक्रीला आहे. २) घेवडा, वरणा शेंगाची नवीन आवक सुरू झाली आहे.

कोबी, देशी काकडीच्या दरात वाढ;
आवक वाढली दर जैसे थे
सकाळ वृत्तसेवा
इचलकरंजी, ता. १९ : पावसाचा जोर कमी अधिक असल्याने भाजीपाल्याची आवक वाढली आहे. मात्र दरावर फारसा फरक पडला नाही. कोबी, देशी काकडीच्या दरात वाढ झाली आहे. मेथीची भाजी भाव खात आहे. भेंडीचे दर उतरले आहेत. घेवडा, वरणा शेंगाची नवीन आवक सुरू झाली असून दर अधिक आहेत. चाकवत, करडी आदी हंगामी भाज्यांची मात्र प्रतीक्षा आहे.
फळबाजाराला नवीन फळांची प्रतीक्षा लागली आहे, असे फळविक्रेत्यांनी सांगितले. मागणी ठप्प झाल्याने फूलबाजारात ग्राहकांची वर्दळ थंडावली आहे. धान्यबाजारात तांदुळाची आवक वाढली आहे. त्यामुळे कोलम तांदळाचे दर चांगलेच कमी झाले आहेत.

भाजीपाला दर असे प्रतिकिलो -
*भाजीपाला : टोमॅटो-२० ते २५, दोडका-६० ते ८०, वांगी -६० ते ८०, कारली-५० ते ६०, ढोबळी मिरची-६० ते ८०, मिरची-४० ते ५०, फ्लॉवर-४० ते ५०, कोबी-२५ ते ३०, बटाटा-२५ ते ३०, कांदा-२० ते २५, लसूण-१०० ते १२०, आले-४० ते ५०, लिंबू -१५० ते ३०० शेकडा, गाजर-४० ते ५०, बिन्स-१०० ते १२०, गवार-१०० ते १२०, भेंडी-४० ते ५०, देशी काकडी- ८० ते १००, काटा काकडी -३० ते ४०, दुधी-२० ते ३०, भाज्या-१५ ते २० रुपये, मेथी- ३० ते ३५ रुपये, कोथिंबीर-१० ते १५ रुपये पेंढी, शेवगा-८ ते १० रुपये.
* फळे : सफरचंद -२५० ते ४०० संत्री - ७० ते ८०, मोसंबी-८० ते १००, डाळिंब-१२० ते २००, चिकू-१०० ते १२०, पेरु-५० ते ८०, पपई- ६० ते १०,
सीताफळ -८० ते १००, केळी -५० ते ६० डझन, देशी केळी -१०० ते १२० डझन, किवी -१०० ते १२०, ड्रॅगन-२०० ते २५०, राजा अननस -३० ते ८०, राणी अननस-१०० ते १२०.
-- -
बाजारात राघू आंबा मावेना
हापूस आंब्याचा हंगाम आटोपला की बाजारात येणाऱ्या राघू आंब्याची आवक यंदा अधिकच जोमात आहे. दरवर्षीच्या तुलनेने दुप्पट आवक झाल्याचा अंदाज विक्रेत्यांनी व्यक्त केला. जिकडे तिकडे हातगाड्यावर आंबा मोठ्या प्रमाणात विक्रीस दिसत आहेत. त्यापाठोपाठ लंगडा आंब्याचीही स्थिती तशीच आहे. पश्चिम बंगाल, तामिळनाडू राज्यातून मोठी आवक होत आहे.
----