03047
03046
भैरवनाथ सेवा संस्थेच्या
अध्यक्षपदी बाळासाहेब खोत
कसबा बीड : सावरवाडी (ता. करवीर) येथील भैरवनाथ विकास सेवा संस्थेच्या अध्यक्षपदी बाळासाहेब खोत यांची तर उपाध्यक्षपदी शहाजी कंदले यांची बिनविरोध निवड करण्यात आली. अध्यक्षस्थानी करवीर सहनिबंधक कार्यालयातील सहकार अधिकारी तथा निवडणूक निर्णय अधिकारी दीपाली चौगले होत्या.
संस्थेची पंचवार्षिक निवडणूक नुकतीच झाली. सत्तारुढ गटाने १२ पैकी १० जागा जिंकून सत्ता कायम राखली. संचालक बाबूराव जाधव, बाबासाहेब जाधव, निवृत्ती खोत, चंद्रकांत खोत, शिवाजी लोंढे, रंगराव हराळे, रंगराव दिवसे, विलास जाधव, रखमाबाई कंदले, रुक्मिणी कंदले उपस्थित होते. नूतन पदाधिकाऱ्यांचा सत्कार सत्तारुढ गटाचे प्रमुख श्रीपतराव दिवसे व शंकर जाधव यांच्या हस्ते करण्यात आला. यावेळी सत्तारुढ गटाचे प्रमुख कार्यकर्ते मोठ्या संख्येने उपस्थित होते.