04788

आमदार मुश्रीफ यांच्याकडून
कागलला विकासाचे वैभव

अजित पवार; विविध विकासकामांचे लोकार्पण

कागल, ता. १७ : कागल नगरपरिषद व राष्ट्रवादी काँग्रेसमार्फत आमदार हसन मुश्रीफ यांच्या प्रयत्नातून पूर्ण विकासकामांचे उद्घाटन विरोधी पक्षनेते अजित पवार यांच्या प्रमुख उपस्थितीत झाले. अध्यक्षस्थानी आमदार हसन मुश्रीफ होते. उद्घाटनानिमित्ताने झालेला विकास पाहून अजित पवार भारावून गेले. आमदार मुश्रीफ यांनी कागलमध्ये विकासाचे वैभव निर्माण केले, असे ते म्हणाले.
श्रमिक वसाहतीतील ७५ लाखांतून राजमाता जिजाऊ मॉंसाहेब यांच्या नावाने असलेल्या बगीचाचे लोकार्पण, अधिपती श्रीमंत जयसिंगराव महाराज (बाळ महाराज) यांच्या बसस्थानकाजवळच्या पुतळ्याचे सुशोभीकरण व निपाणीवेस येथील श्री राधाकृष्ण मंदिराचा विस्तारित सभामंडप या विकासकामांचे लोकार्पण झाले.
यावेळी आमदार राजेश पाटील, माजी आमदार के. पी. पाटील, संजयबाबा घाटगे, राष्ट्रवादी जिल्हाध्यक्ष ए. वाय. पाटील यांच्यासह गोकुळ दूध संघाचे संचालक युवराज पाटील, नवीद मुश्रीफ, माजी नगराध्यक्ष प्रकाशराव गाडेकर, मुरगूडचे माजी नगराध्यक्ष प्रवीणसिंह पाटील, जिल्हा बॅंकेचे संचालक प्रताप उर्फ भैय्या माने, जिल्हा परिषद सदस्य मनोजभाऊ फराकटे, प्रकाशराव गाडेकर, शशिकांत खोत, बिद्रीचे संचालक प्रवीणसिंह भोसले, राष्ट्रवादीचे शहराध्यक्ष संजय चितारी, प्रवीण काळबर, चंद्रकांत गवळी, सुनील माने, रणजीत बन्ने, सौरभ पाटील, अरुण पाटील, अस्लम मुजावर, संदीप भुरले, दत्तात्रय पाटील, कृष्णात मेटील, अर्जुन नाईक उपस्थित होते.