77610
निपाणी ः येथे कर्नाटक उच्च न्यायालयाचे मुख्यन्यायमूर्तीपदी प्रसन्ना बी वराळे यांचा जिल्हा बार असोसिएशनतर्फे सत्कार करण्यात आला. या वेळी अध्यक्ष ॲड. गिरीश खडके व पदाधिकारी उपस्थित होते.

कर्नाटक उच्चन्यायालयाचे
मुख्यन्यायमूर्ती वराळे यांचा सत्कार
कोल्हापूर ः कर्नाटक उच्च न्यायालयाच्या मुख्यन्यायमूर्तीपदी प्रसन्ना बी वराळे यांची नुकतीच निवड झाली. त्याबद्दल कोल्हापूर जिल्हा बार असोसिएशनतर्फे राजा शिवछत्रपती भवन निपाणी येथे त्यांचा सत्कार करण्यात आला. बार असोसिएशनचे अध्यक्ष ॲड. गिरीश खडके व सचिव ॲड. विजयकुमार ताटे-देशमुख यांच्या हस्ते सत्कार झाला. मुख्यन्यायमूर्ती प्रसन्ना वराळे यांनी उच्च न्यायालय मुंबई येथे न्यायमूर्ती म्हणून कामकाज पहिले आहे. खंडपीठ कृती समितीची जेंव्हा मुख्यन्यायमूर्ती दीपांकर दत्ता यांच्या बरोबर बैठक झाली तेंव्हा प्रसन्ना वराळे उपस्थित होते. त्यामुळे त्यांना कोल्हापूर सर्किट बेंचचा प्रश्न पूर्ण माहीत आहे. प्रसन्ना वराळे हे निपाणीचे सुपुत्र आहेत. या नात्याने निपाणी बार असोसिएशनने त्यांचा सत्कार समारंभ आयोजित केला होता. न्यायमूर्ती सचिन एस. मगदूम, न्यायमूर्ती के. एस. हेमलेखा, न्यायमूर्ती अनिल बी. कट्टी, कोल्हापूर जिल्हा बार असोसिएशनचे सचिव विजयकुमार ताटे-देशमुख, महिला प्रतिनिधी ॲड. तृप्ती नलवडे, ॲड. महांतेश कोल्हे, निपाणी बार असोसिएशनचे अध्यक्ष ॲड. आर. एम. पाटील, ॲड. एम. व्ही. कुलकर्णी, ॲड. व्ही. के. शिंदे, ॲड. एस. ए. पाटील, ॲड. मंदार कुलकर्णी उपस्थित होते.