३ फोटो आहेत.
...

गावठी पिस्तूल बाळगणाऱ्या तिघांना अटक

गोकाक कनेक्शन होणार उघड ? ः एकाचा शोध सुरू

सकाळ वृत्तसेवा

सकाळ वृत्तसेवा
कोल्हापूर, ता. १३ ः गावठी बनावटीचे पिस्तूल बाळगणाऱ्या तिघांना आज पोलिसांनी अटक केली. रोहितराज लक्ष्मण भोसले (वय २५, नवा राजवाडा रोड रा. नागाळा पार्क), अरबाज सिकंदर मुल्ला (वय २५, रा. जाधव भवनजवळ, आंबेवाडी), शफात ईशादअहमद तरासगर (वय २४, रा. गोकाक, जि. बेळगाव) अशी अटक केलेल्या तिघांची नावे आहेत. तर सचिन शिरगाव (रा. गोकाक, जि. बेळगाव) याचा शोध सुरू आहे. याची नोंद करवीर पोलिस ठाण्यात झाली.
पोलिसांनी सांगितले, की रोहितराज भोसले हा आंबेवाडी रस्त्यावरील एका शेळी पालन फार्मच्या समोर येणार असल्याची माहिती पोलिसांना मिळाली. त्याच्याकडे कोणत्याही प्रकारचा परवाना नसतानाही तो गावठी बनावटीची पिस्तूल बाळगतो, अशी माहिती पोलिसांना कळाली. त्यानुसार पोलिसांनी वडणगे येथे छापा टाकून तिघांना अटक केली. त्यांच्याकडील गावठी बनावटीची दोन पिस्तूल, तीन मोबाईल असा सुमारे १ लाख १५ हजार रुपयांचा मुद्देमाल जप्त केला आहे. आणखी एकाचा शोध सुरू असून त्याचे गोकाक कनेक्शन असल्याची माहिती पोलिसांना मिळाली आहे. त्यानुसार पोलिसांनी अधिक माहिती घेण्याचे काम सुरू केले आहे. स्थानिक गुन्हे अन्वेषण शाखेच्या पोलिसांनी ही कारवाई केली असून, करवीर पोलिस ठाण्यात याची नोंद केली आहे.
-------