फोटो
...
‘संयुक्त राजारामपुरी’चा जयंती उत्सव थाटात 

कोल्हापूर, ता. २२ : ‘संयुक्त राजारामपुरी’च्या वतीने शिवजयंती उत्सव थाटात साजरा झाला. छत्रपती शिवाजी महाराज, महाराणी ताराराणी, राजमाता जिजाऊ, छत्रपती संभाजी महाराज यांच्या वेशभूषा केलेल्या कलाकारांसह मावळ्यांनी मिरवणुकीत जिवंतपणा आणला. तत्पूर्वी श्रीमंत शाहू छत्रपती महाराज यांच्या हस्ते मिरवणुकीचे उद्‌घाटन झाले. यावेळी मालोजीराजे, राज्य नियोजन मंडळाचे कार्यकारी अध्यक्ष राजेश क्षीरसागर, आमदार जयश्री जाधव, पी. एन. पाटील, ऋतुराज पाटील, संजय पाटील आदी मान्यवर उपस्थित होते. 
 राजारामपुरी परिसरातील १०० हून अधिक मंडळांनी एकत्रित येऊन साजरी केलेली शिवजयंती विशेष ठरली. पारंपरिक वाद्यांसह आकर्षक विद्युत रोषणाईने सजलेली मिरवणूक राजारामपुरी परिसरातून निघाली. ‘छत्रपती शिवाजी महाराज की जय’च्या जयघोषाने संपूर्ण परिसर दुमदुमला. आबालवृद्ध सहभागी झालेल्या या मिरवणुकीमध्ये विविध वेशभूषा करून सहभागी झालेल्या कलाकारांनी इतिहास जिवंत केला. चालत्या ट्रॉलीवरील शाहिस्तेखान वधाचा देखावा मुख्य आकर्षण ठरला. मिरवणुकीमध्ये संजय जाधव, अध्यक्ष अनुप पाटील, संग्राम निंबाळकर, विघ्नेश आरते, किशोर खानविलकर आदी सहभागी झाले.