01498

रंकाळ्यातील श्रीगणेशाच्या
साक्षीने साजरी झाली संकष्टी

कोल्हापूर ः वर्षातून एकदाच मेमध्ये रंकाळा तलावातील पाणी कमी होते आणि यानिमित्ताने संध्यामठ परिसरातील श्रीगणेश आणि श्री महादेवाची मूर्ती दर्शनासाठी खुली होते. या श्रीगणेशाच्या साक्षीनेच आज या परिसरातील भाविकांनी संकष्टी साजरी केली. संध्यामठ तरुण मंडळाच्या कार्यकर्त्यांनी पाण्यातून जावून या मंदिराची स्वच्छता केली. तेथे विविध धार्मिक विधी आणि त्यानंतर आरती केली. मंडळाचे अध्यक्ष शशिकांत नलावडे, माजी नगरसेवक इंद्रजीत बोंद्रे, आनंद सुतार, पागल भालकर, अमोल पाटील, सिद्धार्थ कुराडे, लखन पाटील आदी उपस्थित होते.