03053
कोल्हापूर : रोटरी लोककल्याण मंडळामार्फत ‘रोटरी लोककल्याण’तर्फे जयपूर फूट प्रदानप्रसंगी मान्यवर.

‘रोटरी लोककल्याण’तर्फे जयपूर फूट प्रदान
कोल्हापूर, ता. १५ : रोटरी लोककल्याण मंडळामार्फत २५ दिव्यांगांना डिस्ट्रिक्ट गव्हर्नर इलेक्ट रोटेरियन नासीर बोरसादवाला यांच्या हस्ते जयपूर फूट प्रदान करण्यात आले. रोटरी लोक कल्याण मंडळातर्फे आजपर्यंत अनेक समाजोपयोगी उपक्रम घेतले आहेत.
जयपूर फूट, नवजात बालकांमध्ये आढळणाऱ्या सेलेब्रल पाल्सीग्रस्त बालकांवर फिजिओथेरपीद्वारे उपचार, नवजात बालकांमध्ये आढळणाऱ्या अनुवांशिक दोषाच्या माफक दरात केल्या जाणाऱ्या तपासण्या तसेच बेड, व्हील चेअर, वॉकर, कमोड टॉयलेट आधी साधने अगदी कमी किंमतीमध्ये भाडे तत्वावर दिली जातात. अनेक गरजू व्यक्तिंना या वस्तू विकत घेणे परवडत नाहीत अशा गरजूंसाठी रोटरी लोक कल्याण मंडळाने हा उपक्रम राबविल्याने अनेकांना फायदा होत आहेत. ज्यांना अशी मदत हवी आहे, ते रोटरी कल्याण मंडळाशी संपर्क साधावा, असे आवाहन रोटरी लोककल्याण मंडळाचे अध्यक्ष उत्कर्षा पाटील यांनी सांगितले. सचिव अनिकेत अष्टेकर, रोटरी लोककल्याण मंडळाचे पदाधिकारी, रोटरी क्लब ऑफ कोल्हापूर मिडटाऊनचे सचिव अमर शेरवाडे, शरद पाटील, श्रीनिवास जोशी, ऋषिकेश जाधव उपस्थित होते.