‘आयुक्तांची नियुक्ती तातडीने करा’
कोल्हापूर ः पंधरा दिवस झाले महानगरपालिकेला आयुक्त नाही. शहराचे जबाबदारीचे पद रिक्त ठेवणे योग्य आहे काय? तुमचं शासन आपल्या दारी या म्हणण्याला काय अर्थ आहे. यामुळे तातडीने आयुक्तांची नियुक्ती करावी, अशी मागणी कोल्हापूर शहर व जिल्हा नागरी कृती समितीने निवेदनाद्वारे केली आहे. निवेदनात म्हटले आहे, मुख्यमंत्री येणार म्हणून पाणीपुरवठा, स्वच्छता, रस्ते दुरुस्ती या सुविधा विस्कळीत झाल्या. महत्त्वाचे असलेले आयुक्तपद रिक्त आहे. महापालिकेला वाली नाही. त्यामुळे शहरवासीयांना सुविधा मिळवण्यासाठी आटापिटा करावा लागत आहे. यासाठी तातडीने आयुक्तांची नियुक्ती करावी. रमेश मोरे, अशोक पोवार, विनोद डुणुंग, चंद्रकांत सूर्यवंशी, राजू मालेकर, सुरेश कदम, लहुजी शिंदे, पप्पू सुर्वे, महेश जाधव, महादेव जाधव, महादेव पाटील, एस. डी. गायकवाड, कादर मलबारी, जलराज कदम, चंद्रकांत पाटील यांनी निवेदन दिले आहे.