16188

भक्तिभावात लेटेस्टच्या
श्रीसाईनाथ मंदिराचा वर्धापन दिन

कोल्हापूर, ता. १४ ः मंगळवार पेठेतील श्रीसाईनाथ मंदिराच्या ३१ व्या वर्धापनदिनानिमित्त आज विविध कार्यक्रम झाले. सकाळी साडेसहा वाजता श्रीसाईनाथ मूर्तीस अभिषेक करण्यात आला. साडेसात वाजता सानिका व प्रथमेश हिर्लोस्कर यांच्या हस्ते श्रीसाईनाथ यांची आरती झाली. सकाळी साडेआठ वाजता श्वेता व राहुल कुलकर्णी यांच्या हस्ते सत्यनारायण पूजा झाली. यानंतर नऊ वाजता होमहवन व शांती आदी धार्मिक कार्यक्रम झाले.
दुपारच्या सत्रात जुना राजवाडा पोलिस ठाण्याचे पोलिस निरीक्षक सतीशकुमार गुरव यांच्या हस्ते आरती झाली. यश मेहंदळे, डॉ. सुजय पाटील, संग्राम भालकर, शरद पोवार, संभाजी जगदाळे यांचा सत्कार करण्यात आला. गुरव म्हणाले, ‘कोल्हापुरातील तरुण मंडळांची ताकद मोठी आहे. मंडळांनी अशा कार्यक्रमातून समाजाला सकारात्मक दिशा द्यावी.’’ सत्कारमूर्ती भालकर यांनी मनोगत व्यक्त केले. प्रज्ञा माने, वैष्णवी पाटील, रतना बंडकर, सिद्धी खटाटे, सुनीता गायकवाड, आकांक्षा कानकेकर यांच्या हस्ते महिलांना हळदी-कुंकू व भेटवस्तूंचे वाटप करण्यात आले. रात्री संभाजीनगर येथील श्री स्वामी समर्थ भजनी मंडळाचे भजन झाले. मंडळाचे अध्यक्ष गजानन यादव, कार्याध्यक्ष संजय पाटील, उपाध्यक्ष प्रवीण पडतरे, राजेंद्र दळवी, सचिव अजित पोवार, खजानिस जीवन चोडणकर, सहसचिव अविनाश शिंदे आदी उपस्थित होते.