अंबाबाई मंदिरात
सोमवारपासून किरणोत्सव
सकाळ वृत्तसेवा
कोल्हापूर, ता. २७ ः करवीर निवासिनी श्री अंबाबाई मंदिरात सोमवार (ता.२९) पासून किरणोत्सवाला प्रारंभ होणार आहे. सलग पाच दिवस हा सोहळा भाविकांना अनुभवायला मिळणार आहे. या पार्श्वभूमीवर आजपासून मंदिरात किरणोत्सव मार्गाची पाहणी व मावळतीच्या सूर्यकिरणांच्या तीव्रता तपासणीला प्रारंभ झाला.
देवस्थान समितीने जाहीर केल्यानुसार पाच दिवसांचा हा सोहळा असेल. तत्पूर्वी अभ्यासासाठी म्हणून सूर्यकिरणांच्या तीव्रतेची तपासणी केली जाणार आहे. किरणोत्सव मार्गात काही अडथळे आहेत का, याबाबतची पाहणीही आज झाली. मंदिर व्यवस्थापक महादेव दिंडे, धर्मशास्त्र मार्गदर्शक गणेश नेर्लेकर-देसाई, किरणोत्सव अभ्यासक डॉ. मिलिंद कारंजकर यावेळी उपस्थित होते.