मुत्नाळ प्रशालेत
पारितोषिक वितरण
गडहिंग्लज : मुत्नाळ (ता. गडहिंग्लज) येथील एस. डी. हायस्कूलमध्ये पारितोषिक वितरण कार्यक्रम उत्साहात झाला. मुख्याध्यापक मनोहर गुलगुंजी अध्यक्षस्थानी होते. हेब्बाळचे मुख्याध्यापक अरुण देशपांडे प्रमुख पाहुणे होते. वैयक्तिक व सांघिक स्पर्धेमध्ये यश मिळवलेल्या विद्यार्थ्यांना प्रमाणपत्र व शैक्षणिक साहित्य देऊन गौरवण्‍यात आले. संदीप कब्बुरी, स्नेहल गिजवणे, अथर्व चिगरी, नीलगंगा बेळवी, धनंजय जरळी, वसंत घस्ती, कांचन सुतार यांना वैयक्तिक चॅम्‍पियनशीप देऊन गौरविले. वर्षभरात झालेल्या विविध स्पर्धांचे पारितोषिक वितरण शिवाजी चौगुले, महावीर कासार, वैशाली कागवाडे यांच्या हस्ते झाले. सचिन मगदूम यांनी स्वागत केले. एस. एम. गडकरी यांनी सूत्रसंचालन केले. पी. डी. पाटील यांनी आभार मानले.