लोगो - तनिष्का
80388
कोल्हापूर : तनिष्का व्यासपीठातर्फे कात्यायनी परिसरात बीजसंकलन फेरी झाली. यामध्ये सहभागी तनिष्का.

कात्यायनी परिसरातून
‘तनिष्कां’कडून बीजसंकलन
देशी वृक्ष जतन करण्यासाठी उपक्रम
सकाळ वृत्तसेवा
कोल्हापूर, ता. २९ : कात्यायनी परिसरात अनेक देशी वृक्ष आहेत. सध्या हे वृक्षांच्या प्रजाती लोप पावत असताना त्याचे जतन करणे आवश्यक आहे, या उद्देशातून ‘सकाळ’च्या तनिष्का व्यासपीठाकडून व आरंभ बीजसंकलन यांच्यातर्फे कात्यायनी परिसरात बीज संकलन उपक्रम राबविण्यात आला. मंगला काळे गटातर्फे याचे नियोजन केले होते.
परिसरातील देशी-विदेशी वृक्षांची माहिती यावेळी तनिष्का सदस्यांनी घेतली. त्यानंतर कात्यायनी मंदिराची स्वच्छता मोहीमही राबविण्यात आली. यावेळी गटप्रमुख मंगला काळे, अर्चना कुलकर्णी, सुष्मीता पाटील, सारिका जरीवाला, शोभा पाटील, सुनील काळे, अवधुत पाटील, जान्हवी पाटील, क्षितिज पाटील, प्रणव पाटील सहभागी झाले. सध्या बियांचे संकलन झाले. पावसाळ्यात याची रोपे तयार करून त्याचे ठिकठिकाणी वृक्षारोपण करण्यात येणार आहे.
-------------
चौकट
या झाडांच्या बिया केल्या संकलित
करंज, अर्जुन, पळस, बहावा, काटेसावर, भोकर, चिंच, गारंबी, नेर्ली, धोतरा, भोपळा, बाभूळ, शिसम, बेहडा.