82806
सेजल सुतार
........
82807
मुस्कान खतवाणी
.............
‘कोल्हापूर’ची ‘साताऱ्या’वर १४६ धावांनी मात

एमसीए निमंत्रित १९ वर्षांखालील महिला क्रिकेट स्पर्धा

सकाळ वृत्तसेवा
कोल्हापूर, ता. १० ः महाराष्ट्र क्रिकेट असोसिएशन (एमसीए) निमंत्रित १९ वर्षांखालील महिला एकदिवसीय क्रिकेट स्पर्धेत मुस्कान खतवाणी, आदिती पाटोळे यांच्या अर्धशतकी आणि सेजल सुतारच्या भेदक गोलंदाजीच्या जोरावर कोल्हापूर जिल्हा क्रिकेट संघाने सातारा संघाचा १४६ धावांनी पराभव केला.
शासकीय तंत्रनिकेतन महाविद्यालयाच्या मैदानावर आज कोल्हापूर व सातारा जिल्हा संघांत सामना झाला. प्रथम फलंदाजी करताना कोल्हापूर जिल्हा संघाने ५० षटकांत ९ बाद २७७ धावा केल्या. यात मुस्कान खतवाणीने ६३ चेंडूंत ६३ धावा केल्या, तर आदिती पाटोळेने ६० चेंडूंत ५३ धावा केल्या. रसिका शिंदेने ३५, अनन्या चव्हाणने १८, मधुरा इंगवलेने १४ धावा केल्या. सातारा संघाकडून मनस्वी जाधवने तीन, वैदेही जोशी, निशिगंधा नलवडे, भूमी फाळके, श्रावणी शेंडगे, श्‍वेता माने यांनी प्रत्येकी एक गडी बाद केला.
उत्तरादाखल खेळताना सातारा संघाला हे आव्हान पेलवले नाही. कोल्हापूरच्या सेजल सुतारने भेदक गोलंदाजी करत चार, तर अनन्या चव्हाणने दोन, ईश्‍वरी राणे, परिणिता पाटील, रसिका शिंदे यांनी प्रत्येकी एक गडी बाद केला. त्यांचा सर्व संघ २६ षटके ३ चेंडूंत १३१ धावांत गुंडाळला. यात मनस्वी जाधवची ५२ धावांची खेळी व्यर्थ ठरली. राही कुलकर्णीने २३, तर श्रेया कुंभारने १७ धावा केल्या. त्यामुळे या सामन्यात सातारा संघाचा १४६ धावांनी पराभव झाला.
......