83400
डी. वाय. पाटील
कॉलेजमध्ये नर्सिंग डे  

कोल्हापूर, ता. १३ : डॉ. डी. वाय. पाटील कॉलेजमध्ये नर्सिंग डे साजरा झाला. प्रमुख पाहुणे म्हणून वानलेस हॉस्पिटल, मिरजच्या प्राचार्या संगीता सातवेकर उपस्थित होत्या. त्या म्हणाल्या, ‘‘परिचारिकांची सेवा ही सर्वोत्कृष्ट सेवा आहे. ज्यामधून आपल्याला मानसिक समाधान, तसेच इतरांची सेवा केल्याचे समाधान नेहमी असते.’ या प्रसंगी कुलगुरू डॉ. राकेश मुदगल यांनीही परिचारिकांच्या कामाचे कौतुक केले. यावेळी यशस्वी विद्यार्थ्यांचा सत्कार झाला. प्रमुख पाहुण्यांचा सत्कार डॉ. मुदगल यांच्याहस्ते झाला. कार्यक्रमास डॉ. व्ही. व्ही. भोसले, प्राचार्या डॉ. उमराणी जयरामन, उपप्राचार्या प्रा. मनीषा जयपूरकर, प्रा. जानकी शिंदे, ‘यिन’चे अध्यक्ष विशाल बिरांजे उपस्थित होते. श्रीदेवी नायर यांनी सूत्रसंचालन केले तर यिन समन्वयक रिचा जाधव यांनी आभार मानले.