हातकणंगले लोकसभा मतदारसंघात महायुतीचे खासदार धैर्यशील माने, महाविकास आघाडीचे सत्यजित पाटील-सरुडकर, स्वाभिमानी शेतकरी संघटनेचे राजू शेट्टी, वंचित बहुजन आघाडीचे डी. सी. पाटील यांच्यात निवडणुक रंगली. अगदी शेवटच्या टप्प्यात प्रचारात मुसंडी मारत धैर्यशील माने यांनी अखेर निवडणुकीत बाजी मारली. उमेदवारांच्या विजयासाठी स्थानिक कार्यकर्त्यांसह नेत्यांनी कंबर कसली. मतदारसंघांत विधानसभा निवडणुकीच्या अनुषंगानेही व्यूहरचना केल्या गेल्या. विधानसभा मतदारसंघात काय समीकरणे जुळली-बिघडली, मतदानावर व पर्यायाने निकालावर कोणते मुद्दे परिणामकारक ठरले याचा विधानसभा मतदारसंघनिहाय घेतलेला हा धांडोळा...