‘त्या’ रुग्णालयांना अपात्र ठरवा
‘‘जिल्ह्यातील प्रत्येक नागरिकाला आरोग्य सुविधांचा लाभ मिळण्यासाठी आयुष्यमान भारत योजनेचे नोंदणी करून घ्यावी. त्यांना आयुष्यमान भारतचे कार्ड देण्यासाठी शिबिरेही घ्यावीत,’’ अशी सूचना आयुष्यमान भारत मिशनचे राज्य समितीचे प्रमुख डॉ. ओमप्रकाश शेटे यांनी केले. ज्या रुग्णालयात आयुष्यमान भारत तसेच महात्मा फुले जनआरोग्य योजना आहेत त्या रुग्णालयांत अनेकदा रुग्णांना योजनेचा लाभ न देता खासगीत उपचार देऊन पैसे घेतले जातात. उद्दिष्टापेक्षा कमी रुग्णांवर योजनेतून उपचार होत असतील तर अशा रुग्णालयांना योजनेतून अपात्र ठरावा त्यासाठी जिल्हा समन्वयकांनी दक्ष राहावे, अशी सूचनाही डॉ. शेटे यांनी केली.